«Nie možaš iści? Paŭzi». Źjavilisia naviny pra Maryju Kaleśnikavu, Nastu Łojku i inšych palitźniavolenych z Homielskaj kałonii
Vydańnie «Novy čas» daviedałasia ad svajoj krynicy tryvožnyja naviny z homielskaj kałonii PK-4, dzie ŭtrymlivajuć Maryju Kaleśnikavu, Nastu Łojku i inšych žančyn-palitźniavolenych.
Z Maryi Kaleśnikavaj «usialak ździekujucca»
Krynica «Novaha času» raskazvaje, što z kastryčnika minułaha hoda Maryi Kaleśnikavaj nie pieradajuć listy, pry hetym «rvuć ich» na vačach u palitźniavolenaj i «ŭsialak ździekujucca» ź jaje.
Taksama viadoma, što Maryja prasiła pra miedycynskuju dapamohu, adnak lekaraŭ da jaje «vielmi doŭha» nie dapuskali. Adnojčy, sa słovaŭ krynicy, žančynu ŭsio ž vadzili ŭ miedčastku, «adnak niezrazumieła, što ŭ vyniku».
«Kali Maryju Kaleśnikavu kudyści viaduć, pierakryvajuć usiu turmu, — havoryć surazmoŭca vydańnia. — Takoje adčuvańnie, nibyta vajennaje stanovišča».
«Nastaj Łojkaj manipulujuć źviestkami pra toje, ci pamior jaje sabaka»
Surazmoŭca kaža, što supracoŭniki kałonii manipulujuć lubymi čutkami, plotkami i asabistymi źviestkami pra źniavolenych.
«Źniavolenaj, muža jakoj zatrymali adrazu paśla spatkańnia ź joj, paŭtarajuć, što heta jana jaho pasadziła», — raskazvaje krynica.
«Jany nie źbivajuć, ale voś hetyja ździeki — paŭsiul. U pryvatnaści, da apošniaha nie kažuć źniavolenym, ci budzie ŭ ich spatkańnie sa svajakami. Albo prosta pazbaŭlajuć spatkańnia».
Hniłaja bulba
Surazmoŭca kaža, što žančyn u homielskaj kałonii vymušali raźbirać miachi z hniłoj bulbaj. «Jana całkam hniłaja, usia zaražanaja. I voś takoj bulbaj źniavolenyja charčavalisia niedzie ź miesiac».
Krynica raskazvaje, što adna z supracoŭnic kałonii razdavała sup i kazała źniavolenym: «Ja zabaraniaju vam heta jeści».
Lekar kaža: «Nie možaš iści? Paŭzi»
«Miedyki ŭ kałonii — heta prosta piakielnyja stvareńni», — kaža surazmoŭca.
«U adnoj sa źniavolenych mocnyja prablemy ź ciskam. Na pastrajeńni jana časam hublała prytomnaść. Joj chacieli dać niejkuju tabletku, ale ž žančyna navat nie mahła dajści da stała ź lekami — ustavała i padała, ustavała i padała. Tady lekar skazaŭ abyjakava: nie možaš iści? Paŭzi».
Inšaja źniavolenaja, kaža krynica «Novaha času», zaraziłasia ŭ kałonii karostaj.
«Było vidavočna, što heta karosta, ale lekary ŭparta kazali, što heta prosta niejkaja alerhija, bo nibyta žančyna za dzień źjeła 8 marozivaŭ. Voś taki ŭzrovień absurdu».
Palinie Šarendzie-Panasiuk znoŭ «prynieśli» zialonyja jabłyki zamiest praduktovaj pieradačy
Cvajaki Aleny Hnaŭk nie atrymlivajuć ad jaje listoŭ
«10 dzion adkormlivali ŭ katedžy pad Minskam». Ukrainka, jakuju abmianiali na rasijskich pałonnych, raskazała, jak heta było
Volzie Brycikavaj z «Naftana» prydumali jašče try kryminalnyja spravy
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary