Вайна1414

Украінцы вынайшлі новы спосаб выкарыстання беспілотнікаў, які мае жахлівыя наступствы

УСУ з дапамогай беспілотнікаў выпальваюць расійскія пазіцыі ў Запарожскай вобласці.

A drone with thermite mixture burns down a forest strip Дрон с термитной смесью сжигает лесную полосу
Беспілотнік з запальнай сумессю паліць лясную паласу. Скрын відэа: kiber_boroshno / Telegram

У сацыяльных сетках распаўсюдзілася відэа, знятае ў Запарожскай вобласці на поўнач ад населенага пункту Украінскае. На ім паказана, як байцы 108-й брыгады тэрытарыяльнай абароны Украіны з дапамогай беспілотніка з запальнай сумессю паляць лясную паласу ў так званай шэрай зоне.

Як піша інтэрнэт-сайт Militarnyi, вялікая колькасць іскраў і белага дыму дазваляе зрабіць выснову, што для выканання задачы была выбрана боегалоўка, запоўненая тэрмітам — сумессю парашкоў металаў (алюмінію ці магнію) з аксідамі розных металаў (звычайна жалеза).

Пры ўзгаранні яна інтэнсіўна гарыць з вылучэннем вялікай колькасці цяпла. Звычайна тэмпература гарэння складае 2300-2700 °C, а ў выпадку выкарыстання больш моцных акісляльнікаў, такіх як аксід нікелю, хрому або вальфраму, значна вышэйшая.

У прамысловасці тэрміты выкарыстоўваюць для зваркі металаканструкцый (у прыватнасці, чыгуначных рэек), а на вайне — як запальны састаў. У час Другой сусветнай вайны запальныя бомбы выкарыстоўвалі тэрмітныя сумесі.

@nnmediareport Новый метод использования дронов #бпла #беспилотники #вертолет #украина #российскаяимперия #зсу ♬ ACID RAIN (SLOWED) - Lorn

Звычайна яны складаліся з дзясяткаў тонкіх каністраў, напоўненых тэрмітам, падпаленых магніевым запалам. Прымяненне такіх снарадаў нанесла велізарную шкоду многім гарадам з-за пажараў.

Як адзначаецца, украінскія ваенныя даўно выкарыстоўваюць тэрмітныя зарады ў выглядзе свабоднападаючых боепрыпасаў. Беспілотнікі скідваюць іх у люкі кінутай бранятэхнікі і на дахі будынкаў, дзе знаходзяцца знішчальнікі ворага. Але такі спосаб, як выпальванне мясцовасці, адзначаны ўпершыню. Вялізная тэмпература гарэння дазваляе знішчыць не толькі траву, але і іншую расліннасць.

Невядома, колькі важыць боегалоўка. Самыя магутныя беспілотнікі FPV могуць несці да 8 кілаграмаў карыснай нагрузкі.

Паведамляецца, што кошт такіх боепрыпасаў пачынаецца ад 12 долараў. Іх канструкцыя вельмі простая, а кампаненты даступныя.

Каментары14

  • Кастусь
    02.09.2024
    жги фашистскую нечисть!
  • ●
    02.09.2024
    Чаму забыліся пра напалм ?
    Яго выкарыстанее забаронена толькі супраці цывільнага насельніцтва.
    Значна эфектыўней. І ліпне да ўсяго .
  • Не разумею ўкраінцаў
    02.09.2024
    Навошта выдаваць ваенныя таямніцы падчас вайны? Зараз расейцы скапіруюць і пачнуць прымяняць.

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал11

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

Як згуляць у GTA 6, калі жывеш у Беларусі2

З 1 студзеня днём рух грузавікоў па МКАД плануюць забараніць

Трамп і Пуцін сустрэліся на палях саміта АЦЭС3

У Афрыцы зазелянела пустыня — і прычына гэтаму не толькі змена клімату4

У жаночых прыбіральнях Кітая з'яўляюцца пісуары. Навошта?1

Спявачка з Беларусі трапіла ў скандал у ЗША. Вінаваціць прафесара Калумбійскага ўніверсітэта ў згвалтаванні, а ён яе — у пераследзе сям'і13

Беларус расказаў, як правозіў ката самалётам з перасадкамі

На брэсцкім вакзале заўважылі апарат з «цублямі» замест рублёў1

Мінск прыме расійска-грузінскія перамовы2

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал11

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць