Беларусаў заклікаюць перадаваць на дапамогу Курскай вобласці Расіі ўсё: і трусы са шкарпэткамі, і нават муку
А мужчына з Гомельшчыны перадаў у якасці гуманітарнай дапамогі паўтоны мёду.
Беларускі спартсмен-гіравік Яўген Назарэвіч — актывіст фонду Талая, які перыядычна ездзіць на акупаваныя Расіяй тэрыторыі Украіны, — распавёў пра незвычайнае ахвяраванне ў Гомельскай вобласці.
У інстаграме Яўген напісаў, што мужчына (спартсмен называе яго Васілём Аляксеевічам) разам з сынамі перадаў у якасці гуманітарнай дапамогі ў Курскую вобласць Расіі паўтоны мёду і яшчэ воск, з якога потым зробяць акопныя свечкі.
Яўген апісвае дабрадзея, дзякуючы таму за «душэўны парыў»: «Просты сапраўдны рускі (беларус) мужык». Спартсмен-актывіст дадаў, што мёд разам з іншай гуманітарнай дапамогай ад Полацка ўжо адправілі па прызначэнні.
Фонд Талая мае ў тэлеграме суполку «Беларусь з Данбасам» (там каля 850 падпісчыкаў), дзе публікуюць інфармацыю пра тое, што цяпер збіраюць для дапамогі расіянам, а таксама посцяць справаздачы.
Мяркуючы па апошнім допісе, расіяне зараз не спадзяюцца на дапамогу свайго ўрада, які пачаў вайну, бо «Белавусаў чысціць поскуддзе ў Мінабароны РФ, Генштабе і тылавым забеспячэнні». І вось менавіта праз гэта беларусаў заклікаюць дапамагаць Расіі, у якую «зайшоў НАТАўскі бот».
Спіс таго, што просяць ахвяраваць, уражвае: пачынаючы ад аўтамабіляў і заканчваючы трусамі ды шкарпэткамі. Невядомы аўтар піша, што адзін з камандуючых другой арміяй свету (а менавіта так расійскія СМІ называлі сваё войска) сказаў яму: «Мы таксама з падзякай возьмем муку — у мясцовых жыхароў абмяняем на хлеб».
«Нашы кліенты рызыкавалі самым каштоўным, каб Украіна была вольнай». Як беларуска стварыла рэабілітацыйны цэнтр для ваяроў пад Кіевам
Полацкая школа вырашыла сабраць гуманітарку для Курска
Украінскія ўлады прапанавалі жыхарам Курскай вобласці эвакуявацца на тэрыторыю Украіны
«Рыхтуюцца да вайны, а генератары не ў стане купіць». Што расказваюць пра сітуацыю ў Мазыры мясцовыя жыхары
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь9
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары