На ўсходзе Латвіі ў суботу, 7 верасня, разбіўся расійскі вайсковы дрон. Пра гэта паведаміла латвійскае Міністэрства абароны.
Паводле паведамлення абароннага ведамства, інцыдэнт зафіксавалі ў суботу ў Рэзэкненскім краі на ўсходзе Латвіі.
Адказныя службы працягваюць высвятляць абставіны інцыдэнту, але,
паводле папярэдніх звестак, расейскі вайсковы дрон уляцеў у паветраную прастору Латвіі з тэрыторыі Беларусі.
Латвійскія сілы абароны, у адпаведнасці з працэдурамі, праінфармавалі пра інцыдэнт чыноўнікаў, праваахоўнікаў і камандаванне НАТА. Зараз працягваецца расследаванне інцыдэнту.
Наколькі вядома, гэта першы з пачатку поўнамаштабнага ўварвання выпадак, калі вайсковы дрон Расеі парушае паветраную прастору Латвіі.
Міністр абароны краіны Андрус Спрудс на гэтым фоне падкрэсліў, што Латвіі неабходна працягваць пачатую працу па ўмацаванні ўсходняй мяжы, у прыватнасці развіваць магчымасці супрацьпаветранай абароны і сродкі радыяэлектроннай барацьбы.
Прэзідэнт Латвіі Эдгарс Рынкевічс заявіў аб неабходнасці калектыўнага рэагавання на такія інцыдэнты з расейскімі дронамі, бо «колькасць такіх інцыдэнтаў на ўсходнім флангу НАТА расце», піша «Еўрапейская праўда».
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна11
Каментары
Ну і дзе адказ НАТА па Расеі?
(Пра які нам пастаянна хваляцца літоўцы? Калі хочуць прынізіць беларусаў, што маўляў, беларусы нічога не робяць, а Літву НАТА абароніць).
Ну вось Расея тэсціруе атаку на Латвію.
Гэта відавочна. Мэта Расеі: каб усеудар у адказ прыйшоўся па нашай тэрыторыі, а не па расейскай.
Усе краіны Захаду прамаўчалі, калі ў студзені 2023 Расея сцягнула свае войскі на тэрыторыю Беларусі для атакі на Украіну.
І Латвія, краіна НАТА, таксама маўчала.
Адзін Зянон Пазьняк біў ва ўсе званы, што рыхтуецца вайна. Але яго ніхто не слухаў. І не друкаваў.
А можна ж было ўсё спыніць на старце. Калі б Захад тады адрэагаваў. Але ён заплюшчыў вочы.