У Алітусе (на поўдні Літвы, непадалёк ад Гродзенскай вобласці) на тэрыторыі вайсковага батальёна, знойдзены метэаралагічны шар з прычэпленай чорнай скрыняй, распавяла прэс-сакратар паліцыі Алітускай акругі Крысціна Янулевічэне.
Уначы ў паліцыю паступіла паведамленне ваеннай паліцыі аб тым, што на тэрыторыі палігона ўлонскага батальёна Вялікай княгіні Біруце ў Алітусе, знойдзены зонд, піша Delfi.lt.
«Абставіны здарэння будуць і далей высвятляцца ваеннай паліцыяй», — сказаў К. Янулевічэне.
Па словах прадстаўніцы паліцыі, пакуль дакладна не ясна, што ў чорнай скрыні, але ёсць падазрэнні, што там могуць быць кантрабандныя тавары.
«У асноўным гэта кантрабандныя цыгарэты», — сказала К. Янулевічэне.
Нядаўна зонд з кантрабанднымі цыгарэтамі прызямліўся ў Віленскім аэрапорце.
Зяленскі назваў, якія рэтранслятары на мяжы і беларускія прадпрыемствы хвалююць Украіну36
Каментары