Грамадства11

Сталі вядомыя падрабязнасці смерці 35-гадовага фрыстайліста Максіма Гусціка

Амаль год таму загінуў прызёр ЧС па фрыстайле Максім Гусцік. Падрабязнасці гэтага здарэння так і не былі агучаныя. «Трыбуна» даведалася, як гэта адбылося. 

9 снежня 2023 года ў Мінску загінуў 35-гадовы старшы трэнер зборнай Беларусі па фрыстайле Максім Гусцік. Ён быў бронзавым медалістам чэмпіянату свету — 2015, шматразовым прызёрам этапаў Кубка свету і ўдзельнікам дзвюх Алімпіяд.

У афіцыйных каналах паведамілі толькі сам факт гібелі Гусціка. Падрабязнасцей за амаль год пасля гэтага так і не было.

Па інфармацыі «Трыбуны», вечар пятніцы 8 снежня 2023 года Гусцік праводзіў, адпачываючы сумесна з некалькімі таварышамі.

Прыкладна ў 1:30 ночы ўжо 9 снежня мужчыны апынуліся ля станцыі метро «Пушкінская» на праспекце Пушкіна, які хацелі перайсці.

Як піша «Трыбуна», яны выбралі для гэтага не падземны пераход, які з'яўляецца адзінай там легальнай магчымасцю перасекчы васьміпалосную дарогу. Кампанія, парушаючы ПДР, пайшла наўпрост па праезнай частцы, маючы намер пералезці праз невялікі плот у сярэдзіне яе.

Аднак на раздзяляльнай паласе ў Гусціка і іншага чалавека з кампаніі ўзнік слоўны канфлікт. Праз пару рэплік апанент экс-фрыстайліста нечакана штурхнуў яго. Гусцік не ўтрымаўся на нагах — паляцеў на праезную частку.

Менавіта ў гэты момант па праспекце ехала «Шкода». Яе 33-гадовы вадзіцель не чакаў, што каля яго машыны зімовай ноччу ў такой сітуацыі апынецца нейкая кампанія. Чалавек за рулём заўважыў яе ў апошні момант — калі ўжо ніяк не паспеў бы затармазіць.

Па трагічнай выпадковасці, Гусцік упаў галавой менавіта пад колы «Шкоды». Тая нават пасля гэтага спынілася не адразу — кіроўцу спатрэбіўся час, каб зразумець, што здарылася. Зрэшты, ён хутка вярнуўся на месца ДТЗ.

Да таго моманту Гусцік ужо не падаваў прыкмет жыцця. А траўма галавы аказалася настолькі жудаснай, што экс-фрыстайліста хавалі ў закрытай труне, піша выданне. 

Чым скончылася праверка ДТЗ, суразмоўцы выдання не ведаюць.

Каментары1

  • Алесь
    21.10.2024
    Яшчэ я б запазычыў палітычную сістэму Швейцарыі з невялікімі зменамі. Напрыклад, там калегіяльнае кіраванне. Выбары праводзяцца па прапарцыянальнай сістэме. Прахадны бар'ер складае 1%. Міністэрскія партфелі размяркоўваюцца прапарцыянальна колькасці месцаў у парламенце для кожнай партыі. Пасада прэзідэнта ратацыйная, пераходзіць ад аднаго міністра да іншага, дадатковых паўнамоцтваў, акрамя міністэрскіх, у прэзідэнта няма, толькі прадстаўнічыя функцыі. Рашэнні прымаюцца калегіяльна, простай большасцю галасоў. Пасады прэм'ер-міністра няма.

    Жорсткая Канстытуцыя, як у Балгарыі, для змянення якой патрабуецца 3/4 галасоў парламента ў трох паслядоўных галасаваннях у розныя дні. Мяняць Канстытуцыю іншым спосабам нельга.

Цяпер чытаюць

Бяспалаў канчаткова рассварыўся з Ціханоўскім: Для яго добры толькі адзін чалавек — Пракоп'еў85

Бяспалаў канчаткова рассварыўся з Ціханоўскім: Для яго добры толькі адзін чалавек — Пракоп'еў

Усе навіны →
Усе навіны

Жанчына хацела купіць «гарачы тур» у Егіпет — згарэла буйная сума грошай у яе на карце

У Баранавічы завязуць работнікаў з Пакістана6

Як брэх сабакі дапамог выратаваць жыццё яго гаспадару, у якога адбыўся сардэчны прыступ1

Ціханоўскі ў Ельскім універсітэце прапанаваў тры элементы стратэгіі ЗША наконт Беларусі57

Расія нанесла ўдар па Кіеве — двое забітых, 30 параненых1

З-за прэтэнзій Трампа на Грэнландыю ў дацкім урадзе з’явіўся асаблівы начны вартаўнік1

«Мы проста хочам дадому». Паўднёваафрыканец расказаў, як дачка экс-прэзідэнта Зумы падманам завербавала яго ваяваць ва Украіне на баку Расіі2

Памятаеце немаладога актывіста, які па дурасці зняўся ў прапагандысцкім кіно БТ? У Польшчы ён уляпаўся яшчэ і ў шпіянаж16

Самая танная кватэра ў Мінску прадаецца за 55 тысяч даляраў. Але яна цалкам пустая 1

больш чытаных навін
больш лайканых навін

Бяспалаў канчаткова рассварыўся з Ціханоўскім: Для яго добры толькі адзін чалавек — Пракоп'еў85

Бяспалаў канчаткова рассварыўся з Ціханоўскім: Для яго добры толькі адзін чалавек — Пракоп'еў

Галоўнае
Усе навіны →

Заўвага:

 

 

 

 

Закрыць Паведаміць