Буйную злачынную групоўку, якая займалася дастаўкай мігрантаў з Беларусі і Расіі ў Еўрасаюз, выявілі пры садзейнічанні Еўрапейскага паліцэйскага агенцтва Еўрапол.
Як паведамляецца ў прэс-рэлізе Еўрапола, у расследаванні ўдзельнічалі прадстаўнікі васьмі краін. Членамі крымінальнай сеткі з'яўляліся палякі і грамадзяне Украіны, Беларусі, Расіі ды Грузіі, якія жывуць у Польшчы і іншых краінах ЕС.
У ходзе аперацыі затрымана 11 падазраваных, падчас ператрусаў канфіскавана электроннае абсталяванне і каля 80 тысяч злотых (€18,5 тысячы) наяўнымі.
Мігранты з Афганістана, Егіпта, Ірана, Ірака і Сірыі легальна прыязджалі ў Беларусь непасрэдна ці праз Расію. Затым іх адвозілі на беларуска-польскую мяжу, якую яны незаконна перасякалі. Ужо на тэрыторыі Польшчы людзей забіралі і дастаўлялі на легкавых аўтамабілях у іншыя краіны Еўрасаюза, у асноўным у Германію.
Кантрабандысты бралі з мігрантаў па пяць тысяч еўра, пасля яны аддавалі яшчэ па €500 кіроўцам у Польшчы за дастаўку ў канчатковы пункт прызначэння, паведамляе Еўрапол.
Уязджаюць з 49 краін. Памежная служба Польшчы апісала нелегальную міграцыю на мяжы з Беларуссю
Урад Польшчы ўхваліў стратэгію супрацьдзеяння нелегальнай міграцыі. Сталі вядомыя новыя дэталі
Туск хоча пастрожыць міграцыйную палітыку ў Польшчы, але актыўна прыцягваць працоўныя рэсурсы
За што беларусаў могуць дэпартаваць з Польшчы? Тлумачыць польская памежная служба
Цяпер чытаюць
ДФР кашмарыць транспартнікаў: у вялікіх лагістычных аператараў крымінальныя справы, вобшукі і арышты15
Каментары