У Міністэрстве абароны пракаментавалі моцны гук над Мінскам і яго ваколіцамі, які цяпер актыўна абмяркоўваецца ў сацыяльных сетках. Як паведаміла БелТА афіцыйная прадстаўніца Міністэрства абароны Наталля Гаўрусік, праходзіць планавая праверка дзяжурных сіл СПА.
«Сёння ў рамках праверкі дзяжурных сіл па СПА, якая праводзіцца пад кіраўніцтвам начальніка Генеральнага штаба Узброеных сіл Паўла Муравейкі, быў падняты экіпаж знішчальніка Су-30 СМ.
Дзейнічаючы па зададзенай у межах праверкі кантрольнай цэлі, самалёт павялічыў хуткасць пры наборы вышыні, каб перахапіць вучэбную кантрольную цэль. У такіх выпадках паветранае судна пераходзіць на звышгук. Пры гэтым можа ўзнікаць адчувальны гукавы эфект. Рэжым палёту самалёта адпавядаў правілам бяспекі палётаў», — паведаміла Наталля Гаўрусік.
Цяпер чытаюць
Жонка Галыгіна адсвяткавала пад Мінскам дзень нараджэння ў рускім стылі — у какошніку і з тортам-матрошкай ШМАТ ФОТА11
Каментары