Служба аховы дзяржмяжы Літвы (САДЛ) паведаміла, што ў аўторак ноччу выявіла 14 выпадкаў дастаўкі кантрабандных цыгарэт метэазондамі з Беларусі, і затрымала больш за 25 тысяч пачак цыгарэт, паведамляе LRT.lt.
За мінулыя суткі таксама было арганізавана некалькі засад, падчас якіх былі затрыманыя пяць чалавек, якія падазраюцца ў датычнасці да кантрабанды паветраных шароў.
Пераважная большасць аперацый праводзілася ў Паўднёвай Літве ўздоўж мяжы з Гродзенскай вобласцю.
САДЛ распачала дасудовае расследаванне і некалькі адміністрацыйных вытворчасцяў у дачыненні да перавозкі падакцызных тавараў.
Аналагічныя дзеянні, накіраваныя на блакаванне перавозкі кантрабанды з дапамогай метэазондаў і іншымі метадамі, працягваюцца і плануюцца да правядзення ў найбліжэйшай будучыні, гаворыцца ў паведамленні.
У апошні час, на працягу больш чым трох тыдняў, адбылося значнае скарачэнне колькасці выпадкаў кантрабанды на метэашарах.
Усяго сёлета зафіксаваны 351 метэаралагічны шар, які прыляцеў у Літву з Беларусі, з іх 138 былі выяўленыя і перахопленыя.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары
У Менску нейкія мішкі калісці прыляцелі, ледзь Масква штаны не абдзелала з трэмарным дзедам. А тут "бамбяць" сотнямі і як з гуся вада.