Жыхар Брэста прадаваў месцы ў чарзе на мяжы. Колькі ён заплаціў штрафаў
Месца ў чарзе каштавала ў сярэднім 200 рублёў.
Берасцеец не быў зарэгістраваны як ІП, але сістэматычна прадаваў месцы ў чарзе ў пункт пропуску «Брэст» на мяжы з Польшчай. Эканамічны суд разгледзеў дзве справы аб адміністрацыйных правапарушэннях паводле ч. 2 арт. 13.3 КаАП (незаконная прадпрымальніцкая дзейнасць), паведамляе «Віртуальны Брэст».
У першым выпадку ў маі беларус прапаноўваў за грошы дапамогу ў паскораным праходжанні аўтамабільнай чаргі замест свайго месца. Віну мужчына не прызнаў, указаўшы, што сістэматычна такую дзейнасць не ажыццяўляў і фактычна ніякага даходу не атрымаў.
Другая справа была наступнай. Па папярэдняй дамоўленасці з нейкім чалавекам у тэлеграме планаваў уступіць сваё месца ў чарзе, але быў затрыманы міліцыяй.
Гэтым разам берасцеец прызнаў сваю віну. Ён паведаміў, што за ліпень — жнівень 2024 года ім аказана дзесяць такіх паслуг неўстаноўленым асобам і атрыманы даход — 2 000 рублёў.
Па першым эпізодзе мужчына быў аштрафаваны на 30 базавых велічынь (1 200 рублёў) без прымянення спагнання ў выглядзе канфіскацыі даходу. Па другой справе — штраф 50 базавых (2 000 рублёў) з канфіскацыяй 100% даходу.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары