Žychar Bresta pradavaŭ miescy ŭ čarzie na miažy. Kolki jon zapłaciŭ štrafaŭ
Miesca ŭ čarzie kaštavała ŭ siarednim 200 rubloŭ.
Bieraściejec nie byŭ zarehistravany jak IP, ale sistematyčna pradavaŭ miescy ŭ čarzie ŭ punkt propusku «Brest» na miažy z Polščaj. Ekanamičny sud razhledzieŭ dźvie spravy ab administracyjnych pravaparušeńniach pavodle č. 2 art. 13.3 KaAP (niezakonnaja pradprymalnickaja dziejnaść), paviedamlaje «Virtualny Brest».
U pieršym vypadku ŭ mai biełarus prapanoŭvaŭ za hrošy dapamohu ŭ paskoranym prachodžańni aŭtamabilnaj čarhi zamiest svajho miesca. Vinu mužčyna nie pryznaŭ, ukazaŭšy, što sistematyčna takuju dziejnaść nie ažyćciaŭlaŭ i faktyčna nijakaha dachodu nie atrymaŭ.
Druhaja sprava była nastupnaj. Pa papiaredniaj damoŭlenaści ź niejkim čałaviekam u telehramie płanavaŭ ustupić svajo miesca ŭ čarzie, ale byŭ zatrymany milicyjaj.
Hetym razam bieraściejec pryznaŭ svaju vinu. Jon paviedamiŭ, što za lipień — žnivień 2024 hoda im akazana dziesiać takich pasłuh nieŭstanoŭlenym asobam i atrymany dachod — 2 000 rubloŭ.
Pa pieršym epizodzie mužčyna byŭ aštrafavany na 30 bazavych vieličyń (1 200 rubloŭ) biez prymianieńnia spahnańnia ŭ vyhladzie kanfiskacyi dachodu. Pa druhoj spravie — štraf 50 bazavych (2 000 rubloŭ) z kanfiskacyjaj 100% dachodu.
Ciapier čytajuć
Siłaviki zatrymali lidara hurta «Pałac» Aleha Chamienku4
Kamientary