Завод плануе на гэтым зарабляць.
Мінскі трактарны завод плануе пачаць вытворчасць рапсавага алею.
Вытворчасць мяркуецца наладзіць у 2025 годзе ў сельскагаспадарчым цэху «Гайна», піша «Трактор.бел»
Цяпер «Гайна» здае сыравіну, а з пачаткам вытворчасці алею зможа прадаваць прадукт на біржы, паведаміў намеснік генеральнага дырэктара МТЗ Уладзімір Карпяк.
«Сёння попыт на рапсавае масла расце, у тым ліку і на знешніх рынках. Яшчэ адзін важны аргумент на карысць перапрацоўкі рапсу — магчымасць вырабляць у дастатковай колькасці жмых і шрот для паўнавартаснага і збалансаванага харчавання жывёл», — дадаў Карпяк.
У перспектыве, каб максімальна загрузіць участак уласнай сыравінай, у гаспадарцы «Гайна» плануюць павялічыць плошчы пасеваў рапсу, а таксама аказваць дапамогу ў перапрацоўцы масланасення іншым сельскагаспадарчым арганізацыям.
Нядаўна МТЗ пачаў вытворчасць сякер, якія былі дапрацаваныя па загадзе Лукашэнкі.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі26
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4242
Каментары