«Дажылі». У тыктоку абмяркоўваюць талоны на куплю мяса ў «Гіпа»
Гэта новаўвядзенне ахоплівае ўсё больш супермаркетаў.
Мінчук Андрэй у тыктоку апублікаваў ролік з гіпермаркета «Гіпа», што знаходзіцца ў Мінску на вуліцы Гарэцкага. На сёння відэа мае амаль 305 тысяч праглядаў.
У ім мужчына пракаментаваў абнаўленне ў мясным аддзеле — Андрэя здзівіла і насмяшыла, што цяпер, каб набыць мяса, трэба браць адпаведны талон. З яго дапамогай у краме рэгулююць чаргу да прылаўка.
я первый раз это увидел
У каментарах Андрэй удакладніў, што аўтамат з талонамі паставілі толькі два дні таму (так кажуць прадаўцы). Іншыя каментатары адзначылі, што ў шматлікіх іншых гіпермаркетах гэтай сеткі мяса па талончыках прадаюць ужо не першы год. Знайшліся і тыя, хто бачыў талоны ў еўрапейскіх супермаркетах: нехта кажа, што ідэя не апраўдалася, а іншым яна падабаецца — маўляў, «не трэба марнець у чарзе і ніхто наперад цябе не лезе».
Талоны ў краме спадабаліся шмат каму з каментатараў:
«Вельмі зручна, не трэба гуртавацца ў прылаўка. Электронная чарга, ніхто не дыхае ў патыліцу».
«Гэта нармальна, каб ты не стаяў у чарзе, а працягваў рабіць закупы, адстаў ад жыцця».
Некаторыя, аднак, былі непрыемна здзіўленыя:
«Упершыню бачу, я ў шоку. У Мінску тысячы крамаў, дзе мяса без чаргі».
«Талон на мяса? Навошта? На каўбасу таксама, напэўна, талоны будуць. Дажылі».
«Наша Нiва» — бастыён беларушчыны
ПАДТРЫМАЦЬЦяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў30
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары