Урсула фон дэр Ляен аказала першую дапамогу пасажыру на борце самалёта
Падчас рэйса авіякампаніі Swiss Air з Цюрыха ў Брусель аднаму з пасажыраў стала дрэнна — тады экіпаж звярнуўся па дапамогу да людзей з медыцынскімі ведамі на борце.
На заклік адгукнулася старшыня Еўракамісіі Урсула фон дэр Ляен, якая аказала першую дапамогу яшчэ да пасадкі самалёта, піша Bild.
Самалёт з прыярытэтам экстранай пасадкі прызямліўся ў Бруселі, дзе пацыента сустрэлі дактары.
«Іншыя пасажыры чакалі на борце, пакуль дактары займаліся пацярпелым», — расказаў адзін з сведак.
Пасля гэтага фон дэр Ляен паехала на чорным «Мерседэсе», бо ёй трэба было спяшацца на адно з афіцыйных мерапрыемстваў. Сама кіраўніца Еўракамісіі пацвердзіла Bild, што дапамагла пасажыру.
«Мы вярталіся ў Брусель, калі аднаму з пасажыраў патрэбна была дапамога. Як звычайна, экіпаж папрасіў адгукнуцца тых, хто валодае медыцынскімі навыкамі», — распавяла яна.
Урсула фон дэр Ляен мае медыцынскую адукацыю і доктарскую ступень. Гэта ўжо не першы раз, калі яна аказвае дапамогу пасажырам падчас палётаў.
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м38
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1212
Каментары
настолькі, што і ёй
ужо трэба адбелівацель