У Генштабе пракаментавалі рашэнне аб размяшчэнні ў Беларусі «Арэшніка»
«Рашэнне аб размяшчэнні комплексу «Арэшнік» на тэрыторыі Беларусь прынята ў адказ на крокі, што прымаюцца ЗША і Германіяй па размяшчэнні ракет сярэдняй далёкасці ў Еўропе, заявіў намеснік начальніка Генштаба Узброеных cіл Сяргей Лагадзюк.
«Амерыканцы і немцы пра гэта раней неаднаразова заяўлялі. Мы атрымалі ад свайго галоўнакамандуючага задачу: сумесна з расійскімі спецыялістамі наш ваенна-прамысловы комплекс будзе і далей развіваць гэтую зброю. Актыўны ўдзел у гэтых працэсах абумоўлены тым, што ўжо цяпер узровень лакалізацыі ў гэтым комплексе нашых прадпрыемстваў вельмі вялікі», — дадаў С. Лагадзюк.
Нагадаем, што ўчора Лукашэнка ў Мінску папрасіў Пуціна размясціць «Арэшнік» у Беларусі.
«Я хачу публічна папрасіць вас, каб новыя сістэмы ўзбраення, і перш за ўсё «Арэшнік», былі размешчаныя на тэрыторыі Беларусі. Гэта супакоіла б некаторыя розумы», — сказаў Лукашэнка падчас сустрэчы з Пуціным.
Пуцін у адказ заявіў, што гэта, маўляў, стане магчымым у другой палове наступнага года, па меры нарошчвання выпуску сістэмы.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары