Арына Сабаленка ўвайшла ў топ-5 спартсменак, якія ў 2024 годзе зарабілі найбольш грошай
Паводле падлікаў фінансавага выдання Sportico, сярод 15-ці самых заможных спартсменак дзевяць гуляюць у тэніс, а ў першай пяцёрцы разбавіць іх змагла толькі адна фрыстайлістка.
26-гадовая беларуска Арына Сабаленка са сваімі заробленымі за год $17,7 млн заняла ў сусветным рэйтынгу 5-е месца.
Апярэджваюць яе наступныя спартсменкі:
1. 20-гадовая тэнісістка Кока Гаўф з ЗША — $30,4 млн;
2. 21-гадовая фрыстайлістка Эйлін Гу з ЗША — $22,1 млн;
3. 23-гадовая тэнісістка Іга Свёнтэк з Польшчы — $21,4 млн;
4. 22-гадовая тэнісістка Чжэн Цыньвэнь з Кітая — $20,6 млн.
У гэтыя заробленыя спартсменкамі сумы ўваходзяць як грошы, атрыманыя непасрэдна ад спорту, так і даходы ад рэкламы. Усе сумы пазначаныя да вылічвання падаткаў і агенцкіх збораў.
Арына Сабаленка ў лістападзе стала першай ракеткай свету паводле рэйтынгу Сусветнай жаночай тэніснай асацыяцыі, і гэты тытул яна будзе захоўваць да канца года.
Цяпер чытаюць
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ48
Каментары
і я не раз казала, чаму
Муслима Магомаева любите
* что вы будете плавать по южным морям в поисках российской нефти