Па заявах КДБ нядаўна былі прызнаныя «экстрэмісцкімі фармаваннямі» праекты «Городской огород Марис Мар», «s13ru» і «Письмо.бел». У рашэнні ведамства пазначаныя лістападаўскія даты, але ў адпаведным спісе яны з'явіліся толькі сёння.
Да вышэйзгаданых праектаў, паводле КДБ, дачыненне маюць Яна Царук, Марыя Батальёнак, Анастасія Марозава («Городской огород Марис Мар»), Сяргей Чабоцька, Раман Алешка (s13ru), Аляксандр Мазур, Сяргей Антусевіч, Павел Красоўскі, Павел Каранюхін, Аляксандр Лыкшын (письмо.бел).
Вядома, што прынамсі аднаго чалавека са згаданых у гэтым спісе, Сяргею Чабоцьку, за апошнія паўтара месяца тры разы судзілі па адміністрацыйных справах, ён тройчы запар быў асуджаны на 15 сутак арышту. Сёння стала вядома, што на волю ён так і не выйшаў.
Таксама стала вядома, што 3 снежня КДБ прызнаў «экстрэмісцкім фармаваннем» мабільны дадатак «Беларусь ID». Паводле ведамства, дачыненне да «Беларусь ID» маюць Павел Лібер і Міхаіл Ананьін.
З дапамогай гэтага дадатку сёлета праходзіла верыфікацыя людзей на выбарах у Каардынацыйную раду.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый55
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2424
Каментары
Адна са шматлікіх гісторыі з адказам, ці дапаможа балансаваць у прасторы русского мира. Пры чым амаль усе артыкулы там былі на расейскай, беларускія - рэдкасць.