«Камусьці тут трэба даць тры аплявухі». Фіца выказаўся пра падлетка, які не паціснуў руку прэзідэнту Славакіі
Прэм'ер-міністр Славакіі Роберт Фіца заявіў, што на месцы прэзідэнта забраў бы ўзнагароду ў школьніка, які на цырымоніі ўзнагароджання пераможцаў міжнародных алімпіяд адмовіўся паціснуць руку прэзідэнту праз прарасійскую пазіцыю таго.
«Хамавіты падлетак з украінскім сцягам на касцюме не паціснуў руку прэзідэнту… Камусьці тут трэба даць тры аплявухі», — напісаў Фіца.
Падчас урачыстасцяў у прэзідэнцкім палацы 13 студзеня славацкі старшакласнік Сіман Оманік адмовіўся паціснуць руку прэзідэнту краіны Петэру Пелегрыні праз прарасійскую пазіцыю апошняга. Адбылося гэта падчас узнагароджання пераможцаў матэматычнай алімпіяды. Пры гэтым хлопец меў на сабе стужку ў колерах украінскага сцяга.
«Я не думаю, што было б правільна паціснуць руку такому чалавеку або мець зносіны з ім, таму што я не згодны з ім і лічу яго ашуканцам і хлусам», — сказаў юнак у інтэрв'ю славацкаму выданню Dennik N.
Петэр Пелегрыні лічыцца прарасійскім палітыкам і саюзнікам прэм'ер-міністра Роберта Фіца. Пелегрыні перамог на прэзідэнцкіх выбарах у Славакіі ў 2024 годзе.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім17
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3636
Каментары