Зяленскі апублікаваў новае відэа з палонным паўночнакарэйскім вайскоўцам
Прэзідэнт Украіны ў панядзелак апублікаваў відэазапіс чарговага фрагмента допыту меркаванага паўночнакарэйскага вайскоўца, які, як сцвярджаецца, быў узяты ў палон у Курскай вобласці ўкраінскімі вайскоўцамі.
На відэа вайсковец адказвае на пытанні прадстаўнікоў украінскіх спецслужбаў праз перакладчыка. Ён гаворыць па-карэйску. Калі, дзе і пры якіх абставінах было знята відэа, не паведамляецца. Раней сцвярджалася, што ён і яшчэ адзін вайсковец КНДР былі ўзяты ў палон падчас баёў на тэрыторыі Расіі ў пачатку студзеня і дастаўлены ў Кіеў. Іх меркавана лічаць першымі паўночнакарэйскімі вайскоўцамі, якія ваявалі на баку Расіі і былі ўзяты ў палон.
На апублікаваным Зяленскім відэа паўночнакарэец распавядае, што праходзіў тэрміновую службу ў арміі КНДР з 17 гадоў. Ён сцвярджае, што разам прыкладна са ста суайчыннікамі прыбыў у Расію на караблі, затым іх везлі цягніком.
Пры гэтым ім не казалі, што яны будуць ваяваць у Расіі. Палонны заяўляе, што сярод яго таварышаў па службе «было вельмі шмат пацярпелых у баях». Ён таксама кажа, што нічога не ведаў пра свет за межамі Паўночнай Карэі, у тым ліку і пра Паўднёвую Карэю.
«Інфармацыя разведкі аб перамяшчэнні такіх вайскоўцаў на расійскую тэрыторыю, іх падрыхтоўцы і іх агульнай інфармацыйнай ізаляцыі пацвярджаецца словамі палонных», — гаворыцца ў публікацыі Зяленскага.
Раней Зяленскі ўжо выкладваў відэа з допытам палоннага, на якім той кажа, што не ведаў, што едзе ў Расію на вайну.
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары