Урад прыняў рашэнне змяніць цэны на газ, а таксама тарыфы на цеплавую і электраэнергію для насельніцтва. Гэта прадугледжана пастановай, якая была афіцыйна апублікавана на Нацыянальным прававым інтэрнэт-партале.
Паводле новых тарыфаў, за цеплавую энергію, што выкарыстоўваецца для ацяплення і гарачага водазабеспячэння, цяпер давядзецца плаціць 134,94 рубля за адну Гкал.
Цэны на прыродны газ, як і раней, залежаць ад абсталявання, якое выкарыстоўваюць спажыўцы.
Так, за адзін кубічны метр прыроднага газу трэба будзе плаціць:
- 0,2062 рубля, калі ўстаноўлены індывідуальныя газавыя ацяпляльныя прыборы і лічыльнік;
- 0,5477 рубля, калі ёсць лічыльнік, але няма індывідуальных газавых ацяпляльных прыбораў.
Калі газ выкарыстоўваецца без лічыльніка, тарыфы будуць фарміравацца наступным чынам:
- 4,38 рубля — пры наяўнасці газавай пліты і цэнтральнага гарачага водазабеспячэння або негазавага індывідуальнага воданагравальніка;
- 12,6 рубля — пры наяўнасці газавай пліты і індывідуальнага газавага воданагравальніка (пры адсутнасці цэнтральнага гарачага водазабеспячэння);
- 7,12 рубля — калі ёсць толькі газавая пліта, а цэнтральнага гарачага водазабеспячэння і індывідуальнага газавага воданагравальніка няма.
Гэтыя сумы будуць штомесяц спаганяцца з кожнага. Калі ж устаноўлены індывідуальныя газавыя ацяпляльныя прыборы, то за адзін квадратны метр агульнай плошчы жылля давядзецца плаціць 0,6872 рубля ў ацяпляльны перыяд і 0,2577 рубля летам.
Балон звадкаванага газу (21 кілаграм) цяпер будзе каштаваць 24,5 рубля пры куплі «у межах нормаў спажывання».
Электраэнергія
За электрычную энергію ў жылых дамах з электраплітамі і электрычнымі варанымі панэлямі па аднаставачным тарыфе давядзецца плаціць 0,2412 рубля за кВт·г.
Па дыферэнцыяваным тарыфе аплата будзе залежаць ад часу спажывання электраэнергіі.
Пастанова набывае моц пасля яе афіцыйнага апублікавання.
-
Фіналістка Алімпіяды-2008 у лёгкаатлетычнай эстафеце кіруе ў Брэсце гарадскім аўтобусам. Як так атрымалася?
-
Партрэт палітвязня Андрэя Пачобута высвечваецца на фасадзе Прэзідэнцкага палаца ў Варшаве ФОТАФАКТ
-
У Касцюковічах дашкольнікі пад наглядам пракурора «пісалі» лісты ў іншыя краіны пра дзяржаўную сімволіку
Цяпер чытаюць
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары