Спецслужбы Латвіі: уступленне Беларусі ў вайну супраць Украіны малаверагоднае
Латвійскае Бюро па абароне Канстытуцыі апублікавала штогадовую справаздачу. Адзін з раздзелаў дакумента прысвечаны Беларусі.
Бюро па абароне Канстытуцыі Латвіі лічыць малаверагодным уступленне Беларусі ў вайну супраць Украіны ў агляднай будучыні.
Пра гэта гаворыцца ў штогадовай справаздачы спецслужбы. Адзін з раздзелаў дакумента прысвечаны ўнутранай і знешняй палітыцы Беларусі. Бюро канстатуе ўстойлівасць рэжыму Лукашэнкі, якая дасягнутая за кошт масавых рэпрэсій, татальнай цэнзуры СМІ і зачысткі палітычнага поля.
Пры гэтым латвійскія спецслужбы адзначаюць узмацненне залежнасці Беларусі ад Расіі, у тым ліку праз паглыбленне інтэграцыі ў рамках «саюзнай дзяржавы». Падтрымка Крамля з'яўляецца адным са стабілізацыйных фактараў для ўлады Лукашэнкі, адзначаецца ў справаздачы.
Нягледзячы на ўзмацненне залежнасці ад Масквы, Беларусь у найбліжэйшай будучыні не ўступіць у вайну супраць Украіны, лічаць у Бюро.
«Малаверагодна, што ў агляднай будучыні Беларусь непасрэдна ўмяшаецца ў вайну Расіі супраць Украіны, паколькі гэта можа сур'ёзна пагражаць унутранай стабільнасці краіны і пазіцыям Лукашэнкі. Асабліва ўлічваючы пераважнае ў грамадстве меркаванне супраць прамога вайсковага ўдзелу Беларусі ў канфлікце», — гаворыцца ў справаздачы.
Латвійскія спецслужбы прагназуюць, што Лукашэнка будзе шукаць спосабы выхаду з ізаляцыі і ўсталявання адносін з Захадам, каб стварыць супрацьвагу расійскаму ўплыву.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім7
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3232
Каментары