Пра смерць журналіста і пісьменніка Уладзіміра Хількевіча паведаміла ў сацсетках ягоная дачка Вераніка Хількевіч, піша «Радыё Свабода». Яму было 79 гадоў.
«Тата пайшоў… Сёння… Вельмі балюча, і розум адмаўляецца верыць… Раніцай, як заўсёды, зычыў мне добрага дня… Сябры, развітанне адбудзецца 17 снежня з 13.00 да 13.45, зала № 2 на Альшэўскага, 12», — напісала Вераніка Хількевіч.
Уладзімір Хількевіч нарадзіўся ў 1946 годзе ў вёсцы Бярозаўка на Случчыне. Скончыў факультэт журналістыкі БДУ. Празаік і публіцыст. Працаваў у газеце «Звязда».
Аўтар раманаў «Камелія», «Вадзяныя масты», «Раганосец».
У 2018 годзе ў мінскім выдавецтве «Чатыры чвэрці» выйшла кніга Уладзіміра Хількевіча «Задержаться у ворот рая». Гэта мастацкая кніга, якая ўвабрала розныя значныя падзеі, праз якія прайшла Беларусь. У тым ліку гэта сталінскія рэпрэсіі, існаванне і расстрэл Слуцкага гета, спробы эмігрантаў з Беларусі звязацца з роднымі, якія засталіся на радзіме, і многія іншыя матывы.
Цяпер чытаюць
Пасля беларускай вёскі Шнайдэраў больш не бянтэжыць пытанне ЛГБТ. Сям'я з Германіі, якая стала героямі прапаганды, вяртаецца ў ЕС27
Каментары
Скрыншотце, узгадваць будзем праз 25 год.