Водазабеспячэнне ў Асіповічах аднавілі, паведаміла ў 14:30 мясцовая газета «Асіповіцкі край». Цягам дня будзе праводзіцца хлараванне і забор проб вады для кантролю якасці.
Пра аварыю на сетцы водазабеспячэння горада Асіповічы, якая адбылася 19 лютага каля паловы трэцяй ночы ў раёне вуліцы Калініна, дом 39, паведаміў старшыня Асіповіцкага райвыканкама Андрэй Дубінчык у звароце, апублікаваным мясцовай раённай газетай.
Лакалізацыя месца пашкоджання ўскладнялася праз прамерзласць грунту, растлумачылі ў мясцовым водаканале. Да 9-й раніцы службы павінны былі падключыць і другі водазабор «Паўднёвы». У горадзе таксама арганізавалі дастаўку вады цыстэрнамі.
Праз некаторы час у МНС паведамілі, што на момант правядзення рамонтных работ спынена падача вады 16 тысячам спажыўцоў і 78 аб’ектам эканомікі горада. Цеплазабеспячэнне не парушана, арганізаваны падвоз вады, пра што людзям паведамілі шляхам SMS-рассылкі.
У 10:30 у МНС заявілі, што месца прарыву трубаправода лакалізаванае. Пачаліся рамонтныя работы для аднаўлення водазабеспячэння.
Усяго горад заставаўся без вады 11 гадзін.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары