Чатырохпакаёвая кватэра, што на вуліцы Філімонава, мае агульную плошчу 120,5 квадратнага метра. Пачатковы кошт кватэры складаў 376 800 рублёў. У выніку яе прадалі за 661 285 рублёў, вынікае са звестак БелЮрЗабеспячэння.
У кватэры прапісаныя тры чалавекі, у тым ліку адзін непаўналетні, а таксама плыўчыха Аляксандра Герасіменя, якая ў 2020‑2022 гадах ўзначальвала Беларускі фонд спартовай салідарнасці.
У 2022 годзе Мінскі гарадскі суд у 2022 годзе асудзіў яе да 12 гадоў пазбаўлення волі за заклікі да санкцыяў супраць Беларусі (ч. 3 арт. 361 КК РБ).
Кватэру, у якой была зарэгістраваная Герасіменя, арыштавалі і выставілі на аўкцыён. Але ранейшыя тры спробы прадаць яе не далі плёну. Першы раз яе хацелі прадаць за 942 000 рублёў, другі — за 753 600, трэці — за 565 200.
Цяпер чытаюць
«Прыгразіла пайсці да іншага». У МУС расказалі падрабязнасці забойства 43‑гадовай цяжарнай жанчыны хакейным арбітрам18
Каментары