Прэзерватываў, назапашаных для спартсменаў на Алімпіядзе ў Італіі, хапіла на тры дні
У Алімпійскай вёсцы ў Карціна-д’Ампеца хутка скончыліся бясплатныя сродкі кантрацэпцыі, прызначаныя для спартсменаў. Паводле інфармацыі СМІ, каля 10 тысяч прэзерватываў, падрыхтаваных арганізатарамі, разабралі ўжо праз тры дні пасля старту гульняў.
Выданне La Stampa паведамляе, што запасы былі вычарпаныя вельмі хутка. Адзін з атлетаў ананімна адзначыў, што абяцалі давезці новую партыю, але калі гэта адбудзецца — невядома.
Для параўнання: на летніх Алімпійскіх гульнях 2024 года ў Парыжы было падрыхтавана каля 300 тысяч такіх сродкаў.
Раней кіраўніца камісіі спартсменаў Міжнароднага алімпійскага камітэта Эма Тэрха паведаміла, што ўдзельнікі гульняў у Італіі атрымаюць падарункі: смартфоны абмежаванай серыі, сертыфікат на 500 даляраў на жыллё, а таксама бясплатны набор падгузнікаў для тых, хто мае маленькіх дзяцей.
Зімовыя Алімпійскія гульні 2026 года праходзяць на поўначы Італіі — у Мілане і Карціна-д’Ампеца, а частка спаборніцтваў арганізавана ў Вальтэліне і Валь-дзі-Ф’еме. Цырымонія адкрыцця адбылася 6 лютага, а закрыццё запланавана на 22 лютага. Усяго разыгрываюцца 116 камплектаў узнагарод у 16 відах спорту.
Беларускія спартсмены ўдзельнічаюць у гульнях на тых жа ўмовах, што і ў Парыжы ў 2024 годзе: 7 спартсменак дапушчаныя да спаборніцтваў у нейтральным статусе і толькі ў індывідуальных дысцыплінах.
Стурла Хольм Легрэйд выбачыўся перад былой дзяўчынай за аповед пра здраду
Ёханэс Клэба выйграў восьмы залаты медаль. Ён стаў разам з вялікімі
Італьянская гарналыжніца стала алімпійскай чэмпіёнкай, менш чым за год аднавіўшыся пасля цяжкага пералому
Украінскі скелетаніст Гераскевіч пракаментаваў сітуацыю са сваёй дыскваліфікацыяй на Алімпіядзе
Канькабежка з Нідэрландаў прыляцела на Алімпіяду прыватным джэтам, заваявала золата і стала сэкс-сімвалам Гульняў
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары