«У рускай мове няма такога імя». Беларус змагаецца з ЗАГСам, каб не змяняць дачцэ імя ў пашпарце
Сям'я абрала для сваёй дачкі культавае беларускае імя — Паўліна. Але вось бяда: у ЗАГСе не даюць запісаць дзяўчынку тым жа імем у рускай мове, прапануюць Павлину.
Пра сваю праблему беларус расказаў у Threads. Ён піша, што давялося мець ажно дзве доўгія размовы ў ЗАГСе пра тое, што ён жадае назваць дачку Паўліна і перадаць гэтае імя ў рускай версіі як «Паулина».
Сістэма, аднак, не жадае ісці насустрач. Яму кажуць, што такога імя ў рускай мове няма, і прапануюць «Павлину».
«Але ж я называю дачку беларускім імем. Чаму па-руску яна павінна звацца адпаведнікам гэтага імя? Я не разумею. Чаму тут не прымаецца транслітарацыя?
Ян жа не становіцца Іванам, а Іван — не Джон».
У ЗАГСе, кажа мужчына, пытаюцца, навошта ён абраў такое імя. І прапануюць прыходзіць, калі ён знойдзе ў слоўніку «Паулину».
«Не ведаю нават, што рабіць. Буду шукаць слоўнікі, можа, у які Інстытут мовазнаўства грукацца і пытацца, чаму менавіта так: толькі адпаведнікі, а транслітарацыі няма».
Тое, як у нашай краіне можна называць дзяцей, рэгулюе Кодэкс аб шлюбе і сям'і. Паводле артыкула 69, ЗАГС не можа адмовіць бацькам у рэгістрацыі дзіцяці з тым імем, якое яны абралі, калі толькі тое імя не супярэчыць нормам грамадскай маралі і нацыянальным традыцыям. Таксама дзіцяці могуць даць максімум падвойнае імя — пра трайное імя і больш экзатычныя версіі можна не думаць.
Ёсць і інструкцыя па тым, як перадаваць імёны і прозвішчы беларускіх грамадзян на лацініцы. А вось тое, як перадаваць беларускія імёны ў дакументах па-руску, ніяк не рэгламентавана — канчатковае рашэнне застаецца за супрацоўнікамі ЗАГСаў.
Адметна, што ў 2023 годзе ў Гомелі якраз-такі далі дзяўчынцы імя, якое па-руску пісалася «Паулина». Мясцовыя рэгістратары не ўбачылі ў гэтым праблемы.
«Наша Нiва» — бастыён беларушчыны
ПАДТРЫМАЦЬПобач з Курганом Славы за мільён долараў прадаюць старую базу адпачынку. Што гэта за аб'ект?
«Выслухаю ваша ныццё. Дорага». Дыпламаваны спецыяліст Ілля Дабратвор прапануе псіхалагічныя кансультацыі
Амерыканскі фігурыст выканаў на Алімпіядзе элемент, які 50 гадоў быў забаронены, — за яго не даюць балаў, але гледачы ў захапленні ВІДЭА
Цяпер чытаюць
У віцэ-спікеркі Каардынацыйнай рады Лізаветы Пракопчык сабралася $12 тысяч даўгоў106
Каментары
каланіяльная хвароба, трэба казаць там - а вы Джона Сміта будзіце Іванам Кузнецовым таксама запісваць. У мяне дзеці з ЭЗ, таму запісалі як ім сказаў пісаць- Літвінскай лацінкай
Родилась 12 октября 1988 года в Ленинграде.
После окончания школы поступила на факультет журналистики Санкт-Петербургского государственного университета, проучилась 2 года и уехала в Москву, где поступила в Школу-студию МХАТ.
Подробнее на Кино-Театр.РУ https://www.kino-teatr.ru/kino/acter/w/ros/233660/bio/"