Лукашэнка сказаў, што людзям павінны быць па кішэні бульба, цыбуля і капуста, але не авакада
28 лютага на нарадзе па новай сістэме рэгулявання цэн Аляксандр Лукашэнка падкрэсліў, што айчынная прадукцыя павінна быць людзям па кішэні, піша БелТА.
Ён адзначыў, што ў цэлым узровень інфляцыі ў Беларусі невысокі, аднак па асобных групах тавараў статыстыка не такая аптымістычная.
«Гаворка перш за ўсё пра гародніну. Узімку цэны на яе штогод павышаюцца на 15—20%. А што вы мне абяцалі ва ўрадзе?» — звярнуўся Лукашэнка да чыноўнікаў.
«Я хацеў бы, каб вы далажылі пра сітуацыю і прынятыя меры па даступнасці вітаміннай прадукцыі для насельніцтва.
І я не прашу вас рэгуляваць прывазную экзотыку — усялякія там артышокі ці авакада. Няхай гэта авакада каштуе столькі, колькі каштуе. Мая справа — забяспечыць насельніцтва той гароднінай і садавіной, якую мы вырошчваем у Беларусі.
Людзям павінна быць па кішэні самае простае — капуста, цыбуля, бульба, морква, яблыкі», — запатрабаваў Лукашэнка.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары