І пацалаваліся на сцэне.
У нядзелю расійскі праўладны спявак Шаман (сапраўднае імя — Яраслаў Дронаў) абвясціў на канцэрце, што сустракаецца з кіраўніцай Лігі бяспечнага інтэрнэту Кацярынай Мізулінай.
«Афіцыйна заяўляю пры ўсіх: мы пара, мы сустракаемся, і мы разам!» — паведаміў ён. Мізуліна, якую спявак перад гэтым запрасіў на сцэну, пацвердзіла: «Так». Пасля яны пацалаваліся.
Размовы пра гэту ідэалагічна вывераную пару хадзілі даўно. Шаман і Мізуліна выкладвалі сумесныя фатаграфіі і рамантычныя відэа, а ў студзені 2025 года пацалаваліся на сустрэчы са школьнікамі.
«Фактычна Шаман і Мізуліна былі не жывымі людзьмі, а мемамі. (…) Але нядзельны канцэрт канчаткова звёў два мемы ў адзін», — напісала пра іх расійскае выданне «Камерсант».
Шаман вядомы такімі ўра-патрыятычнымі песнямі, як «Я рускі» і «Устанем». Ён выступае на расійскіх дзяржаўных канцэртах у падтрымку вайны.
Кацярына Мізуліна — кіраўніца расійскай Лігі бяспечнага інтэрнэту і дачка фанатычнай прапуцінскай і антыўкраінскай сенатаркі Алены Мізулінай.
Цяпер чытаюць
22‑гадовы Віктар з-пад Клецка пратрымаўся на фронце месяц. А пасля бацькі перасварыліся, дзелячы грабавыя14
Каментары