Сербія адклікала свой голас у падтрымку рэзалюцыі Генасамблеі ААН з асуджэннем Расіі
Першапачаткова Сербія прагаласавала за рэзалюцыю, у якой Расія называецца агрэсарам. Прэзідэнту Сербіі ў выніку давялося прасіць прабачэння.
Сербія адклікала свой голас у падтрымку рэзалюцыі Генеральнай асамблеі ААН, якая асуджала расійскае ўварванне ва Украіну.
Міністр замежных спраў Сербіі Марка Джурыч паведаміў, што Бялград змяніў свой голас на «ўстрымаўся», пiша NIN.
«Наш абавязак — сачыць за цяперашняй сітуацыяй, адаптаваць пазіцыю Сербіі да ўзніклых геапалітычных змен. Вось чаму я лічу, што нам варта было ўстрымацца, і я не буду перакладаць адказнасць за гэта на прафесію або сектары.
Палітычная адказнасць ляжыць не на прэзідэнце, яна ў першую чаргу на мне. І калі хтосьці павінен прасіць прабачэння, дык гэта я. Тым часам наша місія пры ААН змяніла сваё рашэнне на ўстрымацца ў Сакратарыяце ААН, і гэта паклала канец гэтаму пытанню», — заявіў Джурыч.
Галасаванне за рэзалюцыю, падрыхтаваную Украінай і яе еўрапейскімі саюзнікамі, адбылося 24 лютага. У дакуменце Расія характарызуецца як агрэсар. За праект рэзалюцыі ў ААН прагаласавалі 93 краіны, супраць — 18, устрымаліся — 65. Незвычайным у параўнанні з папярэднімі гадамі было тое, што сярод тых, хто галасаваў супраць, апынуліся ЗША. У выніку ўпершыню з 2022 года Расія і ЗША галасавалі па пытанні вайны ва Украіне ў ААН аднолькава — супраць рэзалюцыі з асуджэннем Расіі.
Іншыя 16 краін, якія галасавалі супраць — Беларусь, Буркіна-Фасо, Бурундзі, Венгрыя, Гаіці, Ізраіль, КНДР, Малі, Маршалавы астравы, Нігер, Нікарагуа, Палау, Судан, Цэнтральнаафрыканская Рэспубліка, Экватарыяльная Гвінея, Эрытрэя.
Пасля галасавання прэзідэнт Сербіі Аляксандр Вучыч публічна прасіў прабачэння перад сваімі грамадзянамі. Ён заявіў, што яго краіна прагаласавала за рэзалюцыю праз памылку. На выказванне Вучыча адрэагавалі і ў Расіі: прэс-сакратар Уладзіміра Пуціна Дзмітрый Пяскоў сказаў, што ў Крамлі «безумоўна пачулі і безумоўна прынялі» прабачэнні Сербіі.
Аляксандр Вучыч пакаяўся, што Сербія прагаласавала ў ААН за рэзалюцыю з асуджэннем Расіі
ЗША галасавалі ў ААН па рэзалюцыі наконт вайны ва Украіне разам з Расіяй і Беларуссю
Лукашэнка запрасіў наведаць Беларусь прэзідэнта Сербіі
Трамп пасадзіў Макрона на рог стала. Фота завірусілася ў інтэрнэце
Трамп называў дыктатарам Зяленскага, але адмовіўся назваць так Пуціна
Цяпер чытаюць
«Калі б не «Вясна-1996, мы б былі Татарстанам». 30 гадоў таму беларусы ўжо пратэставалі супраць Лукашэнкі і Расіі — як гэта было14
Каментары