Лойка пра будучага пераемніка Лукашэнкі: Адчуваецца, што дзядуля рыхтуецца, прыкідвае і глядзіць варыянты
У новым аналітычным выпуску ТОКу эканамічная аглядальніца Вольга Лойка паразважала, каго б выбраў Лукашэнка ў свае пераемнікі.
Падчас размовы Вольгу Лойка папрасілі пракаментаваць словы Лукашэнкі аб прэзідэнцкіх амбіцыях новапрызначанага прэм'ер-міністра Аляксандра Турчына.
Аглядальніца заўважыла, што яшчэ нядаўна размовы на такую тэму маглі быць небяспечнымі:
«Я ў 2019-м напісала тэкст, што вельмі лёгка падштурхнуць на гэтую апошнюю верхнюю прыступку спадара Макея. Калі не, то ёсць Турчын, і Дзмітрый Мікалаевіч Круты, калі вырасце. Ну пажартавала, што называецца.
Пасля гэтага мне прыляцела па вушах: «А можна нашы прозвішчы не называць?» Ну проста таму, што ў Беларусі, калі ты пацвярджаеш нейкія амбіцыі, гэта выклікае вельмі вялікія пытанні».
Зараз жа, даводзіць Лойка, сітуацыя змянілася. Лукашэнка ўсё часцей заводзіць размовы пра пераемніка:
«Зараз сітуацыя мяняецца. Амбіцыі ці не амбіцыі [Турчына], але і з Крутым Лукашэнка ўжо так жартуе на тэму пераемніцтва. Адчуваецца, што дзядуля рыхтуецца, прыкідвае і глядзіць варыянты».
Па словах эканамічнай аглядальніцы, калі б Лукашэнка выбіраў свайго пераемніка проста цяпер, то з пары Турчын-Круты ён бы абраў Турчына. І тлумачыць, чаму:
«Мне здаецца, што калі б ён выбіраў прама зараз, ён бы абраў з іх слабейшага. І магчыма, з вялікай верагоднасцю, гэта стаў бы ўсё ж Аляксандр Генрыхавіч [Турчын]. Слабейшага не як прафесіянала, проста па палітычнай вазе. Проста Дзмітрый Мікалаевіч [Круты] больш набраў за апошнія гады. Калі ты на гаспадарцы, ты заўсёды крышку ў ценю».
У той жа час, як лічыць Лойка, «перспектывы ў абодвух выдатныя. І гэты варыянт для Беларусі вельмі нядрэнны. Наколькі гэта ўвогуле магчыма ў цяперашніх умовах».
Глядзіце цалкам:
Цяпер чытаюць
Арыштаваны вядомы неўролаг Руслан Бадамшын. Ён быў на хатняй хіміі8
Каментары
[Зрэдагавана]