«Па гаўне вы павінны пахадзіць». Лукашэнка апраўдваўся перад расіянамі за прызначэнне Турчына
Аляксандр Лукашэнка, выступаючы сёння перад членамі Савета Федэрацыі Расіі, заявіў, што нядаўна прызначаны на пасаду прэм’ер-міністра Аляксандр Турчын — адзін з тых, каго рыхтавалі як новае пакаленне беларускіх палітыкаў.
Цікавую «імправізацыю» выдаў Лукашэнка, тлумачачы расійскай аўдыторыі, чаму пайшоў на сёмы тэрмін, звярнуў увагу Reform.news.
Тут сенсацый не прагучала — ён зноў, як робіць гэта на працягу апошніх 30 гадоў, заявіў, што не хацеў «перавыбірацца», але яго «ўгаварылі».
Не чакаючы пытанняў, ён узняў тэму прызначэння новага прэм’ер-міністра Беларусі.
Поўны тэкст яго выступу:
Лукашэнка: І вы не перажывайце наконт таго, што вось Лукашэнка там змяніў урад. Той быў добры, гэты дрэнны. Слухайце, ну змяніў, я нешта неканстытуцыйнае, незаконнае зрабіў? Навошта падымаць гэтую буру? Прыйшоў новы прэм’ер, міністры талковыя, але выключна новае пакаленне. Я гэта абяцаў. Слухайце, ну не павінна так быць. Мы ж не вечныя. Ну Валянціна Іванаўна, ну не вечныя. Мы ж не вечныя. Хутка… (смех у зале).
Матвіенка: Аляксандр Рыгоравіч, дай вам… здароўя, сіл на многія-многія гады (смех у зале).
Лукашэнка: Валянціна Іванаўна, ну вы ж ведаеце… (смех, апладысменты). Валянціна Іванаўна, вы ж не ўспрымеце гэта на сябе.
Матвіенка: Вы маладзейшы за мяне, Аляксандр Рыгоравіч. Так што…
Лукашэнка: Слухайце, дай Бог, маладыя, каб яшчэ былі такія, як вы (смех у зале). Вы ведаеце маё стаўленне да вас. І сённяшняя наша сустрэча была дзякуючы Валянціне Іванаўне.
Матвіенка: Вось падрабязнасцяў не трэба…
Лукашэнка: Таму я паставіў пэўную задачу. Я не збіраўся вылучацца на гэтыя выбары, я ўжо пра гэта казаў, але там цэлая бура паднялася. Валянціна Іванаўна была таксама прыхільніцай таго, каб я не збег убок.
Але было выразна сказана ўсяму нашаму народу — за пяць гадоў мы павінны падрыхтаваць новае пакаленне.
І я шмат зрабіў для таго, каб «пракатаць» некаторых губернатарамі, па зямлі. Даруйце мяне, па гаўне вы павінны пахадзіць, каб разумелі яго пах. Валянціна Іванаўна, у вас жа нельга так казаць…
Матвіенка: Вам усё можна, Аляксандр Рыгоравіч.
Лукашэнка: Можна. Выбачайце, але я кажу так, як я ім сказаў.
І многіх я па пяць, шэсць, сем гадоў трымаў міністрамі, губернатарамі на гэтых пасадах, каб яны пасеялі, прыбралі, разумелі, што гэта такое.
Адзін з іх — цяперашні прэм’ер-міністр, талковы. Ён эканаміст.
У нас наогул цяпер атрымалася так — гэта мэтанакіравана мы рабілі — што наверсе ўсе эканамісты. Добрыя эканамісты, і вучыліся добра, ведаюць эканамічную тэорыю, але іх трэба было туды акунуць. Усё, яны пахадзілі, гатовыя. Вось аднаго з іх мы паднялі наверх. Ну і ўсе члены ўрада — гэта новае пакаленне. Я ім проста сказаў: «Я абяцаў — я зрабіў».
Гэта людзі, адданыя нашай палітыцы. Гэта людзі, якія ведаюць, што такое Расія».
Цяпер чытаюць
Украінская мадэль згуляла з грузінскім бізнэсменам вяселле ў Канах на 5 мільёнаў еўра. Вядучымі былі Яўген Перлін і Максім Галкін6
Каментары
И главное, что всех их роднит полностью переписанная официальная биография...