Камісію для выпрацоўкі прапаноў па фармаванні новага складу ўрада, які склаў паўнамоцтвы пасля прэзідэнцкіх выбараў, узначаліў кіраўнік Адміністрацыі Дзмітрый Круты, піша БелТА.
Раней Лукашэнка на сустрэчы з даверанымі асобамі на мінулых прэзідэнцкіх выбарах даручыў стварыць такую камісію ў складзе вышэйшых службовых асоб.
«Трэба стварыць камісію з вышэйшых службовых асоб. урад выконвае ў нас абавязкі (склаў паўнамоцтвы). Трэба зараз паглядзець па спісе, пачынаючы ад прэм'ер-міністра да кіраўніка канцэрна і губернатараў. На гэтай камісіі Качанава, Сергеенка (кіраўнікі палат парламента), генеральны пракурор і гэтак далей — вось гэтая вярхушка. Хацелася б, каб вы свае прапановы ўнеслі, ваша меркаванне мы разгледзім пры прыняцці рашэнняў, — сказаў Лукашэнка на сустрэчы з даверанымі асобамі.
Журналісты пацікавіліся ў старшыні Савета Рэспублікі Наталлі Качанавай, ці падыходзіў хтосьці ў кулуарах з дзейнага складу ўрада са словамі, што гатовы працаваць.
«Да мяне дакладна ніхто не падыходзіў. Адзінае, мы разумеем, што ўсе людзі дзяржаўныя. І я думаю, што кожны з нас разумее: мы-людзі, якія служым дзяржаве. Яны проста казалі: «Як скажа кіраўнік дзяржавы. Дзе сёння я патрэбны больш краіне, я буду працаваць там», — распавяла яна.
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома7
Каментары
Нават дыктатар ведае, што прозвішчы не змяняюцца