Łojka pra budučaha pierajemnika Łukašenki: Adčuvajecca, što dziadula rychtujecca, prykidvaje i hladzić varyjanty
U novym analityčnym vypusku TOKu ekanamičnaja ahladalnica Volha Łojka parazvažała, kaho b vybraŭ Łukašenka ŭ svaje pierajemniki.
Padčas razmovy Volhu Łojka paprasili prakamientavać słovy Łukašenki ab prezidenckich ambicyjach novapryznačanaha premjer-ministra Alaksandra Turčyna.
Ahladalnica zaŭvažyła, što jašče niadaŭna razmovy na takuju temu mahli być niebiaśpiečnymi:
«Ja ŭ 2019-m napisała tekst, što vielmi lohka padšturchnuć na hetuju apošniuju vierchniuju prystupku spadara Makieja. Kali nie, to jość Turčyn, i Dźmitryj Mikałajevič Kruty, kali vyraście. Nu pažartavała, što nazyvajecca.
Paśla hetaha mnie prylacieła pa vušach: «A možna našy proźviščy nie nazyvać?» Nu prosta tamu, što ŭ Biełarusi, kali ty paćviardžaješ niejkija ambicyi, heta vyklikaje vielmi vialikija pytańni».
Zaraz ža, davodzić Łojka, situacyja źmianiłasia. Łukašenka ŭsio čaściej zavodzić razmovy pra pierajemnika:
«Zaraz situacyja mianiajecca. Ambicyi ci nie ambicyi [Turčyna], ale i z Krutym Łukašenka ŭžo tak žartuje na temu pierajemnictva. Adčuvajecca, što dziadula rychtujecca, prykidvaje i hladzić varyjanty».
Pa słovach ekanamičnaj ahladalnicy, kali b Łukašenka vybiraŭ svajho pierajemnika prosta ciapier, to z pary Turčyn-Kruty jon by abraŭ Turčyna. I tłumačyć, čamu:
«Mnie zdajecca, što kali b jon vybiraŭ prama zaraz, jon by abraŭ ź ich słabiejšaha. I mahčyma, ź vialikaj vierahodnaściu, heta staŭ by ŭsio ž Alaksandr Hienrychavič [Turčyn]. Słabiejšaha nie jak prafiesijanała, prosta pa palityčnaj vazie. Prosta Dźmitryj Mikałajevič [Kruty] bolš nabraŭ za apošnija hady. Kali ty na haspadarcy, ty zaŭsiody kryšku ŭ cieniu».
U toj ža čas, jak ličyć Łojka, «pierśpiektyvy ŭ abodvuch vydatnyja. I hety varyjant dla Biełarusi vielmi niadrenny. Nakolki heta ŭvohule mahčyma ŭ ciapierašnich umovach».
Hladzicie całkam:
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary
[Zredahavana]