Аляксандр Лукашэнка паставіў задачу завяршыць добраўпарадкаванне і развіццё Брэста і Магілёва. Пра гэта ён заявіў 27 сакавіка, падчас узгаднення новых кіраўнікоў мясцовых выканаўчых і распарадчых органаў, піша БелТА.
На пасаду старшыні Магілёўскага гарвыканкама быў узгоднены генеральны дырэктар Магілёўскага завода ліфтавага машынабудавання Сяргей Чарткоў.
«Кажуць, што дырэктары цяпер моцна трымаюцца за заводскую трубу. Аказваецца, не. Ці цябе там «нахілілі», прымусілі?» — пацікавіўся Лукашэнка.
— «Не. Паступіла прапанова. Я ўсё ўзважыў і вырашыў, што гэта будзе правільна — і для рэгіёна, і для майго асабістага развіцця, — адказаў Чарткоў. — Завод цяпер у нармальным стане, па выніках першага квартала чакаецца выкананне ўсіх паказчыкаў бізнес-плана. Так, год будзе няпростым, але перспектывы — выдатныя. Да 2030 года ў Расійскай Федэрацыі трэба замяніць 120 тысяч ліфтаў, плюс новая забудова. Таксама ёсць рынак у Азербайджане, Манголіі, Грузіі, Узбекістане — ёсць дзе працаваць. Думаю, з прадпрыемствам усё будзе добра. Магілёў таксама апошнія гады развіваецца дынамічна. Спыняцца нельга, трэба рухацца далей».
Аляксандр Лукашэнка адзначыў, што добра знаёмы з сям’ёй Чарткова, асабліва з яго бацькам:
«Ён быў такі капітальны мужык. Адзін з тых нямногіх, хто яшчэ ў савецкія часы адважыўся пайсці з цяперашнім прэзідэнтам. Іх было на пальцах пералічыць: баяліся і гэтак далей, — узгадаў ён. — Я хачу, каб ты працаваў сумленна і па-сапраўднаму. Гэта твая зямля, твая радзіма. Упэўнены, ты любіш гэты горад. Трэба развіваць Магілёў. Так, ён перспектыўны, расце, шмат зроблена апошнім часам. Але Магілёў адстае ад іншых гарадоў, амаль ад усіх. Можа, на роўных з Брэстам. Таму нам трэба даводзіць да розуму і Брэст, і Магілёў. Асабліва — Магілёў».
Цяпер чытаюць
«Да акцыі далучыліся толькі маргіналы». Што пісаў у чатах пасля свайго выкрыцця кадэбэшнік, адказны за беларускую эміграцыю1
Каментары