27 сакавіка адбылося ўзгадненне новых прызначэнняў кіраўнікоў мясцовых выканаўчых і распарадчых органаў, піша БелТА
Ксенія Панцюхова ўзгоднена на пасаду намесніцы старшыні Гомельскага аблвыканкама (кірунак — эканоміка і прамысловасць). Да гэтага часу яна ўзначальвала Гомельскае аддзяленне Беларускай гандлёва-прамысловай палаты.
Генеральны дырэктар Магілёўскага завода ліфтавага машынабудавання Сяргей Чарткоў прызначаны старшынём Магілёўскага гарвыканкама.
Кіраваць Бабруйскім райвыканкамам будзе Міхаіл Крыцкі, генеральны дырэктар РУП «Купалаўскае» — кіраўнічай кампаніі холдынгу.
Аляксей Шарай, першы намеснік кіраўніка адміністрацыі Ленінскага раёна Магілёва, узгоднены на пасаду старшыні Крычаўскага райвыканкама.
Першы намеснік старшыні Дрыбінскага райвыканкама, начальнік упраўлення па сельскай гаспадарцы і харчаванні Іван Багель, узгоднены старшынём Круглянскага райвыканкама.
Дырэктар філіяла «Аўтобусны парк №6» «Гомельаблаўтатранса» Сяргей Янковіч прызначаны кіраўніком адміністрацыі Навабеліцкага раёна Гомеля. Яго папярэднік, Аляксей Васючанка, узгоднены на пасаду кіраўніка спраў Гомельскага аблвыканкама.
Першы намеснік кіраўніка адміністрацыі Маскоўскага раёна Мінска Сяргей Рубанаў атрымаў павышэнне — цяпер ён глава адміністрацыі раёна.
Кіраўніком адміністрацыі Фрунзенскага раёна Мінска стаў Арцём Шэгідэвіч, рэктар Беларускай дзяржаўнай акадэміі авіяцыі.
Дзмітрый Сямёнаў прызначаны генеральным дырэктарам Нацыянальнай кінастудыі «Беларусьфільм».
Дзяніс Юрчанка — генеральным дырэктарам РУП «Кіруючая кампанія холдынгу «Беларуская шкляная кампанія».
Мікалай Казакоў — рэктарам Беларускага дзяржаўнага ўніверсітэта транспарту.
«Кайлас, я іду». Што за беларуска знікла ў жудасным селі ў Непале9
Каментары