Журналіст пацвердзіў, што пашпарт прыкрыцця мужа Сямашкі дагэтуль сапраўдны. І ўзяў яго пад кантроль на сайце МУС
Журналіст Аляксей Карпека прыдумаў незвычайны спосаб, як можна пацвердзіць сапраўднасць пашпарта прыкрыцця Фёдара Гарбачова, мужа журналісткі Вольгі Сямашкі.
Кожны грамадзянін Беларусі можа стварыць асабісты кабінет на сайце Міністэрства ўнутраных спраў Беларусі. У падкасце «Медыяжаба» Карпека расказаў, што паспрабаваў зарэгістраваць такі кабінет для пашпарта прыкрыцця Фёдара Гарбачова. Па словах журналіста, у яго атрымалася гэта зрабіць — гэта значыць, што пашпарт на імя Віктара Макавеева рэальны. Цяпер менавіта Карпека «кантралюе» доступ да гэтага пашпарта на сайце МУС.
Агулам жа пашпарт адлюстроўваецца на сайце МУС як «дзейны дакумент». Гэта значыць, што ён не быў ануляваны і пасля 2021 года (час узлому базы пашпартоў).
Гарбачоў і Сямашка пакуль так і не прызналі існаванне пашпарта, выдадзенага на імя Віктара Макавеева.
«Кіберпартызаны»: У мужа журналісткі Вольгі Сямашкі сапраўды два пашпарты на розныя імёны
«Бачу помсту за маю працу». Вольга Сямашка адрэагавала на расследаванне «НН»
Фёдар Віктаравіч і «Віктар Фёдаравіч». Супрацоўнік «Варгеймінга» мае пашпарт прыкрыцця. Яго жонка Вольга Сямашка — вядомая журналістка
Цяпер чытаюць
Пракурорскі начальнік абурыўся неабгрунтаванымі затрыманнямі беларусаў8
Каментары
Карпека мае доступ да поўнай базы пашпартоў Кіберпартызан або яны яму прыслалі той нумар? Пра гэты момант ён не сказаў.