У Мінпрыроды расказалі, на колькі гадоў Беларусі хопіць запасаў нафты і калію
Па здабычы калію Беларусь дзеліць трэцяе месца ў свеце з Расіяй, а сваёй нафтай краіна забяспечвае сябе толькі на 10-12%. Гэтыя лічбы ў эфіры АНТ назваў міністр прыродных рэсурсаў і аховы навакольнага асяроддзя Сяргей Масляк. Ён таксама ацаніў, на які тэрмін хопіць разведаных запасаў беларускай нафты і калію.
Запасы калію ў Мінпрыроды ацэньваюць прыкладна на 100 гадоў здабычы цяперашнімі тэмпамі. Раней у ведамстве паведамілі, што запасы калійных соляў у Беларусі складаюць 7,3 мільярда тон.
Што тычыцца нафты, то яе запасы ў Беларусі сёння складаюць 45,2 мільёна тон. Пры наяўным аб'ёме здабычы гэтага павінна хапіць амаль на 50 гадоў.
У 2024 годзе, паводле звестак «Беларуснафты», аб'ём здабычы нафты ў краіне склаў каля 1,94 мільёна тон. Прырост разведаных запасаў нафты ўпершыню за 40 гадоў перавысіў гадавы ўзровень нафтаздабычы больш чым на 700 тысяч тон.
З закрытых пратаколаў стала вядома, як Беларусь і Расія дзялілі калійны рынак
Прадукцыю «Беларуськалія» перайменавалі і прадаюць ЕС у абыход санкцый
Літва спрабуе пераканаць ЗША не здымаць санкцыі з беларускага калію
Чаму тры гады вайны не абрынулі эканомікі Расіі і Беларусі? І што будзе, калі заключаць перамір'е?
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер3
Каментары