З акаўнта зніклай Мельнікавай былі спампаваныя файлы Каардынацыйнай рады
Выканаўца абавязкаў спікеркі Каардынацыйнай рады Станіслава Гліннік паведаміла, што перад пачаткам сённяшняга пасяджэння была атрыманая інфармацыя, «якая тычыцца бяспекі ўсёй Каардынацыйнай рады».
Падчас дадатковай праверкі было пацверджана, што 13 сакавіка з акаўнта Анжалікі Мельнікавай былі спампаваныя файлы, да якіх яна мела доступ у рамках працы Каардынацыйнай рады. Сярод іх — стратэгічны план, бюджэт, унутраныя даклады і іншыя аперацыйныя матэрыялы пачынаючы з ліпеня 2024 года.
Пацвердзілася таксама інфармацыя пра лагін тэлефона Мельнікавай з тэрыторыі Беларусі, які адбыўся 19 сакавіка. Але спампоўваліся файлы 13 сакавіка, як сцвярджаецца, не з Беларусі.
Пра знікненне спікеркі Каардынацыйнай рады Анжалікі Мельнікавай яе калегі паведамілі ўвечары 28 сакавіка. У заяве Паўла Латушкі гаварылася, што сувязь адсутнічае з 25 сакавіка, аднак гаворка ідзе пра анлайн-камунікацыю. Насамрэч Мельнікаву ўжывую не бачылі ўжо даўным-даўно. Пазней стала вядома, што Анжаліка Мельнікава пакінула тэрыторыю Еўрасаюза 26 лютага, а яе былы муж з'ехаў з Польшчы ў Беларусь 3 сакавіка.
7 красавіка журналістам «Люстэрка» ўдалося паразмаўляць з былым мужам Анжалікі Мельнікавай, які пацвердзіў, што знаходзіцца ў Беларусі, а дзеці — пры ім. Бацькі Мельнікавай у размове з журналістам «Еўрарадыё» таксама пацвердзілі, што дзеці знаходзяцца ў Беларусі, а пра месцазнаходжанне самой Анжалікі яны самі нічога не ведаюць і трывожацца.
Ціханоўская патлумачыла, чаму не каментуе знікненне Анжалікі Мельнікавай
Сусед Мельнікавай: Некалькі тыдняў таму нейкі мужчына выносіў з кватэры сабраныя рэчы
Брытанская паліцыя не праводзіць расследавання ў сувязі са знікненнем Анжалікі Мельнікавай
Калегі Анжалікі Мельнікавай расказалі пра апошнія размовы з ёй
У сувязі са знікненнем Мельнікавай польская паліцыя правярае пагрозы на адрас Латушкі
Маці Анжалікі Мельнікавай: «Унукам кажу, што яна ў камандзіроўцы»
«Дзеці са мной». Журналісты дазваніліся да былога мужа Анжалікі Мельнікавай і спыталі, дзе можа быць спікерка КР
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою10
Каментары