«Для нас гэта чырвоныя лініі». Зяленскі адказаў на словы Уіткафа пра «пяць тэрыторый»
Украіна — суверэнная дзяржава, і пра яе тэрыторыі можа гаварыць толькі ўкраінскі народ, заявіў прэзідэнт Украіны Уладзімір Зяленскі, паведамляе «Інтэрфакс-Украіна».
«Што датычыцца тэрыторыі. Украіна — суверэнная дзяржава, і ўсе тэрыторыі належаць унітарнай дзяржаве Украіна. Таму зноў жа, пра тэрыторыі нашай дзяржавы можа гаварыць толькі народ Украіны.
І вы ведаеце, што для нас гэта чырвоныя лініі — прызнаваць любыя тэрыторыі часова акупаванымі як не ўкраінскія, а расійскія.
Таму зноў жа, адпаведныя прадстаўнікі абмяркоўваюць пытанні па-за сваёй кампетэнцыяй», — сказаў Зяленскі падчас прэс-канферэнцыі з генеральным сакратаром НАТА Маркам Рутэ ў Адэсе.
Раней паведамлялася, што спецыяльны пасланнік прэзідэнта ЗША Стыў Уіткаф заявіў у эфіры Fox News у панядзелак, што мірная дамова будзе ўключаць урэгуляванне пытання «так званых пяці тэрыторый», не ўдакладніўшы, пра што менавіта ідзе гаворка.
Каментары
Калі б у 2022 дазволілі біць заходняй зброяй па цэлях на тэрыторыі Расеі, па аэрадромах, з якіх узляталі самалёты каб бамбіць Марыупаль, па эшалонах расейскіх войскаў, якія ехалі ў бок Украіны, не дазваляючы ім перасекчы мяжу, то вайна б хутка скончылася яшчэ ў 2022 годзе.