«Dla nas heta čyrvonyja linii». Zialenski adkazaŭ na słovy Uitkafa pra «piać terytoryj»
Ukraina — suvierennaja dziaržava, i pra jaje terytoryi moža havaryć tolki ŭkrainski narod, zajaviŭ prezident Ukrainy Uładzimir Zialenski, paviedamlaje «Interfaks-Ukraina».
«Što datyčycca terytoryi. Ukraina — suvierennaja dziaržava, i ŭsie terytoryi naležać unitarnaj dziaržavie Ukraina. Tamu znoŭ ža, pra terytoryi našaj dziaržavy moža havaryć tolki narod Ukrainy.
I vy viedajecie, što dla nas heta čyrvonyja linii — pryznavać lubyja terytoryi časova akupavanymi jak nie ŭkrainskija, a rasijskija.
Tamu znoŭ ža, adpaviednyja pradstaŭniki abmiarkoŭvajuć pytańni pa-za svajoj kampietencyjaj», — skazaŭ Zialenski padčas pres-kanfierencyi z hienieralnym sakratarom NATA Markam Rute ŭ Adesie.
Raniej paviedamlałasia, što śpiecyjalny pasłańnik prezidenta ZŠA Styŭ Uitkaf zajaviŭ u efiry Fox News u paniadziełak, što mirnaja damova budzie ŭklučać urehulavańnie pytańnia «tak zvanych piaci terytoryj», nie ŭdakładniŭšy, pra što mienavita idzie havorka.
-
Tempy prasoŭvańnia rasijskaj armii va Ukrainie ŭpali da minimumu ź viasny minułaha hoda
-
Praciah trochbakovych pieramoŭ pa Ukrainie zapłanavany na nastupny tydzień
-
«Heta nie «nadzień švedar». Heta choład, ad jakoha nikudy nie schavacca». Jak ukraincy vyžyvajuć bieź śviatła i ciapła ŭ chałodnych kvaterach
Kamientary
Kali b u 2022 dazvolili bić zachodniaj zbrojaj pa celach na terytoryi Rasiei, pa aeradromach, ź jakich uźlatali samaloty kab bambić Maryupal, pa ešałonach rasiejskich vojskaŭ, jakija jechali ŭ bok Ukrainy, nie dazvalajučy im pierasiekčy miažu, to vajna b chutka skončyłasia jašče ŭ 2022 hodzie.