Грамадства2626

Дэпутат-гісторык Даніловіч расказаў пра 28 еўрапейскіх народаў, якія прыйшлі захопліваць Беларусь разам з Гітлерам

Вялікабрытанія і Францыя санкцыянавалі напад нацысцкай Германіі на СССР, заявіў намеснік старшыні Пастаяннай камісіі па адукацыі, культуры і навуцы Палаты прадстаўнікоў Вячаслаў Даніловіч 17 красавіка ў Мінску на «адзіным дні інфармавання». За мерапрыемствам, якое транслявала агенцтва «Мінск-Навіны», сачыла выданне «Позірк».

Вячаслаў Даніловіч. Скрын відэа radio_1 / YouTube

Парыж і Лондан, паводле слоў Даніловіча, «фармальна вайну Германіі абвясцілі [пасля нападу Гітлера на Польшчу 1 верасня 1939 года]», але пры гэтым нібыта «паабяцалі і запэўнілі Гітлера: «Ты ні пра што не думай і не турбуйся. Мы вайну аб'явім, але ваенных дзеянняў весці не будзем. Хочаш Польшчу — забірай Польшчу. Галоўнае, потым ідзі супраць Савецкага Саюза».

«На так званым калектыўным Захадзе вельмі хочуць забыцца, што ў 1941 годзе разам з войскамі вермахта, разам з немцамі [на тэрыторыю Беларусі] прыйшлі 28 еўрапейскіх народаў — прадстаўнікоў, скажам так, у двукоссях, гэтых еўрапейскіх нацый — усталёўваць новы нацысцкі парадак на нашай зямлі», — сцвярджае дэпутат.

Пры гэтым нават у савецкай гістарыяграфіі еўрапейскімі саюзнікамі гітлераўскай Германіі падчас Другой сусветнай вайны лічыліся толькі Італія, Венгрыя, Румынія, Фінляндыя і Балгарыя, прытым апошняя ніякіх сваіх войскаў для вядзення вайны на тэрыторыі СССР не пасылала. І нават калі далучыць да гэтых краін створаную толькі пасля нямецкай акупацыі Чэхаславакіі славацкую дзяржаву, вайскоўцы з якой сапраўды ваявалі ў СССР, а таксама Іспанію, якая паслала на Усходні фронт «Блакітную дывізію», то 28 саюзных нацыстам еўрапейскіх народаў ніяк не атрымліваецца.

Паводле слоў Даніловіча, нацысцкая Германія «не сама па сабе з'явілася і здабыла моц, каб пайсці на Усход»: «яе ўзгадавалі, выпеставалі так званыя вядучыя заходнія дэмакратыі, заходнія краіны — ЗША, Вялікабрытанія і Францыя».

Гэтыя краіны, па словах Даніловіча, «уклалі велізарныя грошы ва ўздым германскай эканомікі, далі карт-бланш на міжнароднай арэне, аддалі на разарванне Германіі Чэхаславакію і Польшчу».

Дэпутат сцвярджае, што гэта «заходнім дэмакратыям» неабходна было для таго, каб прыбраць з палітычнай арэны «гэтую ашалелую альтэрнатыву капіталістычнаму грамадству, якім кіравалі кіруючыя эліты Захаду»: «Такую альтэрнатыву прадстаўляў менавіта Савецкі Саюз».

Былы дырэктар Інстытута гісторыі НАНБ і былы рэктар Акадэміі кіравання пры Лукашэнку лічыць, што шкода ад акупацыі ў гады Другой сусветнай вайны для Беларусі складае каля 2,3 трыльёна даляраў, а таму падтрымлівае ідэю патрабаваць у Берліна за гэта кампенсацыю. 

Каментары26

  • Вопрос
    17.04.2025
    Какие народы проводили парад в Брест-Литовске в 1939 году?
  • Дядя
    17.04.2025
    Лизливая амеба данилович за чин и не такое придумает. Очень страстно лизал жопу Мясниковичу в Академии наук.
  • :)
    17.04.2025
    Будут освобождать от диктатуры.

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць