Адэсіты гераічна пераплылі Дняпро і здаліся расіянам. Інтэрв’ю даюць з калоніі — сядзяць за незаконнае перасячэнне мяжы
Два мужчыны сцвярджаюць, што ўцяклі ад украінскай мабілізацыі — і апынуліся ў расійскім зняволенні.
Адэсіты Андрэй Беразоўскі і Уладзіслаў Стаянаў, якія пераправіліся на гумовай лодцы праз Дняпро і здаліся расійскім вайскоўцам, распавялі прапагандыстам аб абставінах сваіх уцёкаў.
Па словах Стаянава, яго пры садзейнічанні паліцэйскіх выкралі супрацоўнікі Тэрытарыяльнага цэнтра камплектавання (ТЦК). Яму ўдалося ўцячы і затым разам з Беразоўскім пачаць падрыхтоўку да ўцёкаў у Расію.
У канцы чэрвеня 2024 года ў моцны шторм адэсіты пераправіліся праз Дняпро і на Кінбурнскай касе здаліся расійскім вайскоўцам.
Яны заклікаюць усіх украінцаў уцякаць з краіны як мага хутчэй. Праўда, робяць гэта з калоніі-пасялення на тэрыторыі Адыгеі, дзе адбываюць 9-месячны тэрмін — за незаконнае перасячэнне расійскай мяжы групай асоб па папярэдняй змове.
Каментары