З 1 студзеня падаражэюць многія маркі цыгарэт і з'явіцца іх новы вытворца
Міністэрства падаткаў і збораў апублікавала інфармацыю пра максімальныя рознічныя цэны на цыгарэты з фільтрам, якія пачнуць дзейнічаць з 1 студзеня 2026 года.
У адпаведнасці з інфармацыяй падаткавікоў, у Беларусі з 1 студзеня павінна павялічыцца цана каля 110 марак цыгарэт: 69‑ці — вырабленых тытунёвай фабрыкай «Нёман», 25‑ці — вырабленых ТАА «Тытунь-Інвест» і 23 марак, якія ўвозіць дзяржпрадпрыемства «Беларусьгандаль».
Падаражанне складзе ад 10 капеек да 1,30 рубля.
Цэны на тытунёвыя вырабы, якія вырабляюцца ТАА «Інтэр Табака», ТАА «Сентоні ПРА», ЗТАА «Аліда-Вест» і ўвозяцца ТАА «Сентоні ПРА», не зменяцца.
Акрамя таго, як вынікае з апублікаванай інфармацыі, у пераліку беларускіх вытворцаў цыгарэт з'явілася новая юрыдычная асоба — ТАА «Этэрна Прайм». Яна будзе вырабляць 41 марку цыгарэт: 11 — брэнда Kent, 5 — брэнда Rothmans, 11 — брэнда Pall Mall, 7 — брэнда Lucky Strike, 7 — брэнда Dunhill.
Па даных Адзінага дзяржрэестра юрыдычных асоб і ІП, кампанія «Этэрна Прайм» зарэгістраваная ў сакавіку 2025 года Гродзенскім аблвыканкамам, месца рэгістрацыі — горад Гродна.
Адзіны заснавальнік ТАА «Этэрна Прайм» — грамадзянін Расіі Мікалай Вадзімавіч Весялоўскі. Ён унёс у статутны капітал 1000 беларускіх рублёў. У якасці дырэктара кампаніі пазначаны грамадзянін Беларусі Сяргей Аляксандравіч Ражкоў.
У Рэчыцы людзі выйшлі прыбіраць снег. Іх аштрафавалі6
У Рэчыцы людзі выйшлі прыбіраць снег. Іх аштрафавалі
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары