18 красавіка прэзідэнт Украіны Уладзімір Зяленскі падпісаў два ўказы аб увядзенні нацыянальных санкцый, раней зацверджаных Радай нацыянальнай бяспекі і абароны Украіны. У новым санкцыйным спісе пераважна расійскія фізічныя і юрыдычныя асобы, але трапіла туды і адно беларускае прадпрыемства.
Згодна з адным з указаў, санкцыі ўводзяцца супраць беларускага ААТ «Светлагорск-Хімвалакно». Абмежаванні прадугледжваюць замарожванне актываў, забарону на гандлёвыя аперацыі, прыпыненне ліцэнзій, забарону на ўдзел у дзяржаўных закупках і г. д.
«Светлагорск-Хімвалакно» яшчэ ў верасні 2022 года трапіла пад амерыканскія санкцыі, паколькі, на думку Міністэрства фінансаў ЗША, яно «забяспечвае крытычна важны матэрыял для абароннай прамысловасці Расіі».
Акрамя таго, пад санкцыі трапілі 56 расійскіх юрыдычных асоб і тры кітайскія кампаніі. Таксама пад санкцыі трапілі 39 грамадзян Расіі, перадусім вядомыя дзеячы культуры.
Цяпер чытаюць
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1515
Каментары