Шмат хто ламаў галаву над адным і тым жа пытаннем: што такое сапраўды добры сэкс і як ён упарадкаваны? Эксперты ў галіне інтымнага жыцця апыталі тысячу мужчын і жанчын, каб вывесці простую, амаль матэматычную формулу асалоды.
Колькі павінен доўжыцца добры сэкс? Гэта пытанне хвалюе мільёны пар па ўсім свеце. Як піша Bild.de, адказ на яго паспрабавалі даць спецыялісты анлайн-платформы псіхічнага здароўя ZipHealth. У супрацоўніцтве з брытанцамі і амерыканцамі яны правялі даследаванне, у якім узялі ўдзел 1000 мужчын і жанчын розных узростаў. Вынік — нечакана простая, але змястоўная формула: 15 + 15 + 5.
Што стаіць за гэтай формулай?
Даследаванне паказала, што найбольшае сэксуальнае задавальненне рэспандэнты адчуваюць пры працягласці інтымнай блізкасці ў 35 хвілін. Ідэальнае размеркаванне гэтага часу выглядае так:
15 хвілін — прэлюдыя: пацалункі, пяшчоты, стварэнне настрою;
15 хвілін — непасрэдна палавы акт;
5 хвілін — пяшчотнае пасляслоўе, адпачынак разам, абдымкі.
Гэта не абстрактныя лічбы. На думку апытаных, менавіта такія суадносіны этапаў робіць сэкс не толькі фізічна, але і эмацыйна паўнавартасным.
Акрамя таго, высветлілася, што чым даўжэй доўжылася прэлюдыя (больш за 15 хвілін), тым часцей жанчыны дасягалі аргазму. Калі ж яна была карацейшай, частата аргазмаў прыкметна зніжалася.
Калі ж лепш за ўсё займацца сэксам?
Паводле даных даследавання, 36% апытаных аддаюць перавагу начному часу, а 39% сцвярджаюць, што пасля заходу сонца яны здольныя даўжэй захоўваць узбуджэнне, чым удзень.
Цікавы вынік паказала і глабальнае апытанне брэнду ніжняй бялізны Pour Moi: паводле яе, самы папулярны для сэксу час — субота, 22:09. Відаць, менавіта тады стрэс працоўнага тыдня слабее, а рамантыка выхадных набірае сілу.
Эксперты раяць парам, асабліва жанчынам ва ўзросце ад 20 да 29 гадоў, рэгулярна — не радзей чым раз на чатыры дні — атрымліваць сэксуальнае задавальненне дзеля паляпшэння псіхаэмацыйнага і фізічнага здароўя. Пры гэтым зусім не мае значэння, адбываецца гэта з партнёрам ці самастойна: любы спосаб лічыцца аднолькава карысным.
Цяпер чытаюць
«Стаўленне як да скаціны». Прарасійскі блогер расказаў пра 25 сутак ў ІЧУ3
«Стаўленне як да скаціны». Прарасійскі блогер расказаў пра 25 сутак ў ІЧУ
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1515
Каментары