У фінале футбольнага еўракубка згуляюць каманды, якія займаюць 15-е і 16-я месцы ў сваім чэмпіянаце
У фінале Лігі Еўропы (другога па значнасці футбольнага еўракубка) згуляюць англійскія «Манчэстэр Юнайтэд» і «Тотэнхем Хотспур».
«Юнайтэд» выбіў у 1/2 фіналу «Атлетык» з Більбаа (3:0, 4:1), а «Хотспур» — нарвежскі «Будэ-Глімт» (3:1, 2:0).
Фінал пройдзе 21 мая ў Більбаа.
Цікава, што ў фінальным матчы згуляюць каманды, якія кепска праводзяць сезон у сёлетнім розыгрышы англійскай прэм'ер-лігі. «Манчэстэр Юнайтэд» за тры туры да фінішу ідзе 15-м, а «Тотэнхем» — 16-м (у розыгрышы бярэ ўдзел 20 камандаў).
У «Юнайтэд» — 39 балаў, у «шпораў» — 38. Адставанне ад сёмага месца, якое дае пуцёўку ў Лігу канферэнцый, складае 21 і 22 балы адпаведна.
Але каманда, якая выйграе фінал, атрымае пуцёўку ў Лігу чэмпіёнаў.
У фінале Лігі чэмпіёнаў згуляюць ПСЖ і «Інтэр», у фінале Лігі канферэнцый — «Чэлсі» і «Бетыс».
Цяпер чытаюць
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1515
Каментары