Масква пацвердзіла гатоўнасць пачаць мірныя перамовы — МЗС Кітая.
Кіраўнікі Расіі і КНР падчас перамоваў, што адбыліся напярэдадні ў Крамлі, абмяняліся меркаваннямі з нагоды «украінскага крызісу». Пра гэта гаворыцца ў заяве міністэрства замежных спраў Кітая, апублікаванай раніцай 9 мая, паведамляе «Медуза».
Згодна з паведамленнем, Сі Цзіньпін, закранаючы тэму расійска-украінскай вайны, выступіў за «агульную, усёахопную, сумесную і ўстойлівую канцэпцыю глабальнай бяспекі».
Старшыня КНР таксама выказаў меркаванне, што «законныя інтарэсы бяспекі ўсіх краін павінны быць успрыняты сур’ёзна, а каранёвыя прычыны крызісу павінны быць ліквідаваныя».
Паводле яго слоў, Кітай вітае мірныя намаганні і спадзяецца на дасягненне пагаднення паміж Масквой і Кіевам, прымальнага для абодвух бакоў.
У сваю чаргу прэзідэнт РФ Уладзімір Пуцін заявіў, што Расія гатовая пачаць мірныя перамовы без папярэдніх умоў і спадзяецца на дасягненне справядлівага і трывалага мірнага пагаднення, гаворыцца ў заяве кітайскага МЗС.
Крэмль у паведамленнях пра расійска-кітайскія перамовы напярэдадні ў Маскве не ўзгадваў, што бакі абмяркоўвалі тэму спынення вайны.
Цяпер чытаюць
Трамп запрасіў Лукашэнку ўвайсці ў Раду міру па Газе38
Каментары
Ну то бок пуцін і яго імперска - фашысцкія амбіцыі