68-гадовага палітвязня Міколу Статкевіча трымаюць за кратамі без вестак, у рэжыме інкамунікада, ужо 800 дзён. Пра гэта нагадалі ягоныя сваякі.
Адміністрацыя глыбоцкай калоніі паставіла Мікалая Статкевіча на ўлік як «схільнага да экстрэмізму».
Жонка Статкевіча Марына Адамовіч казала, што апошні раз яна атрымлівала ад яго вестку 9 лютага 2023 году.
Палітвязня Мікалая Статкевіча затрымалі 31 мая 2020 года ў Мінску па дарозе на Камароўскі рынак, дзе ён збіраўся наведаць перадвыбарчы пікет Святланы Ціханоўскай. Два разы запар яго арыштоўвалі на 15 сутак, але і пасля гэтага ён не выйшаў на волю.
У канцы чэрвеня 2020 года Статкевіча перавялі ў СІЗА і выставілі абвінавачанне паводле крымінальнага артыкула 342 («Арганізацыя або ўдзел у групавых дзеяннях, якія груба парушаюць грамадскі парадак»), потым дадалі артыкул 293 («Падрыхтоўка да ўдзелу ў масавых беспарадках»). 14 снежня 2021 года на закрытым працэсе суддзя Мікалай Доля вынес Статкевічу прысуд: 14 гадоў зняволення ў калоніі асаблівага рэжыму. Статкевіч у зале суда гучна выкрыкнуў: «Жыве Беларусь!»
20 чэрвеня 2022 года Статкевіча перавялі з Гомельскага СІЗА № 3 у папраўчую калонію № 13 у Глыбокім, якая лічыцца адной з самых строгіх у краіне. Адміністрацыя калоніі паставіла яго на ўлік як «схільнага да экстрэмізму», у жніўні змясціла на паўгода ў адзіночную камеру, у верасні — у штрафны ізалятар. Усяго з ліпеня 2022 года Статкевіч у калоніі атрымаў дзясяткі спагнанняў.
З лютага 2023 года Статкевіча ўтрымліваюць без сувязі з роднымі і знешнім светам. Паводле крыніц, яго па чарзе трымаюць то ў адзіночнай камеры ПКТ, то ў камеры штрафнога ізалятара, а таксама пазбавілі права на званкі і адзіны на год перадачу і спатканне.
У Вільні прайшла акцыя салідарнасці з палітвязнямі ў рэжыме інкамунікада
«Супраць рэжыму мусіць быць поўная блакада». Паліна Шарэнда-Панасюк выступіла з вострай прамовай у Еўрапарламенце
Два гады няма вестак ад палітвязняў Міколы Статкевіча і Максіма Знака
Статкевіча намінавалі на Нобелеўскую прэмію міру
Галоўным спікерам Жаночага форуму ў Мінску стане расійскі крынджовы псіхолаг, які расказваў пра «памяць жаночых палавых губ»12
Каментары