Беларускага палітыка і палітвязня Мікалая Статкевіча намінаваў на Нобелеўскую прэмію міру літоўскі палітык, дэпутат Еўрапейскага парламента Пятрас Аўштравічус.
«Дэпутат Еўрапейскага парламента Пятрас Аўштравічус зарэгістраваў лідара беларускай апазіцыі Мікалая Статкевіча кандыдатам на прысваенне Нобелеўскай прэміі міру. Шалёная праца ў аўральным парадку па зборы матэрыялаў была праведзена камандай «Народнай Грамады». І мы паспелі да заканчэння тэрміну прыёму заявак», — напісалі паплечнікі палітвязня.
Лідар «Народнай грамады» Мікалай Статкевіч асуджаны да 14 гадоў калоніі асаблівага рэжыму нібыта за «арганізацыю масавых беспарадкаў».
Ён адбывае пакаранне ў Глыбоцкай калоніі. Амаль два гады яго трымаюць у рэжыме інкамунікада — без сувязі з роднымі і знешнім светам.
У 2022 годзе лаўрэатам Нобелеўскай прэміі міру быў прызнаны беларускі праваабаронца і таксама палітвязень Алесь Бяляцкі. 3 сакавіка 2023 года суд прызначыў яму 10 гадоў калоніі ва ўмовах узмоцненага рэжыму.
-
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося
-
Франак Вячорка: У нас афігенная дыяспара, але ныццё пра тое, што ўсё кепска, дэматывуе. Мы не ўмеем прадаваць поспехі
-
Трох польскіх святароў выслалі з Беларусі
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося3
Каментары
Толькі дзе і ў якім стане сам Мікола Статкевіч? Ужо ж больш года, як Наталля Радзіна публічна патрабавала яго паказаць. Рэжым адказаў маўчаннем. Дарэчы, магчыма, што і саму схему, калі ўзнікла "інкуманікада", то прыдумалі, каб замаўчаць Статкевіча.