Чарговы выезд на Прыпяць прынёс мазырскаму рыбаку нечаканы і вельмі годны трафей — у злоўленым улове аказалася нешта сапраўды велізарнае.
Мужчына злавіў на спінінг гіганцкага сома даўжынёй больш за два метры, паведамляе fishing.by.
«26 красавіка лавілі рыбу з кумам на Прыпяці ў ваколіцах Мазырскага раёна. Паклёўка адбылася каля васьмі вечара, і адразу стала зразумела, што на кручку буйны сом. Выважванне доўжылася хвілін трыццаць, і на працягу ўсяго гэтага часу рыба ўпарта супраціўлялася, спрабуючы пайсці на глыбіню. Сом здаўся толькі тады, калі зусім абяссілеў і глынуў паветра, пасля чаго я змог падцягнуць яго да берага, а кум толькі з трэцяй спробы выцягнуў гіганта з вады», — распавёў рыбак Фёдар.
Паводле яго слоў, спробы ўзважыць рыбу на электронных вагах плёну не далі, давялося абмежавацца вымярэннем рулеткай. Даўжыня трафейнага сома склала 202 см.
Пасля вымярэнняў і кароткай фотасесіі гіганта адпусцілі назад у ваду.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў3
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары